شىمكەنت قالاسىندا تاۋەلسىزدىكتىڭ 30 جىلدىعى مەن ەلوردا كۇنى مەرەكەسى اياسىندا بىرقاتار يندۋستريالدى جانە اۋىل شارۋاشىلىعى جوبالارى ىسكە قوسىلدى. قالا اكىمى مۇرات ايتەنوۆ ونلاين فورماتتا وتكەن جاڭا ءوندىرىس ورىندارىنىڭ اشىلۋ راسىمىنە قاتىستى. قالا باسشىسى شاھاردىڭ ەكونوميكالىق الەۋەتىن ارتتىرۋعا قوسىپ وتىرعان ۇلەستەرى ءۇشىن كاسىپكەرلەرگە ريزاشىلىعىن بىلدىرە وتىرىپ، جاڭا كاسىپورىنداردىڭ ەڭبەك ۇجىمدارىنا تابىستار تىلەدى.
ىسكە اسقان جوبالار ەل تاۋەلسىزدىگىن نىعايتۋعا ۇلەس قوسىپ، شىمكەنت قالاسىنىڭ ەلورداعا جاساعان مەرەكەلىك تارتۋى سانالادى. جاڭا ءوندىرىس جەلىلەرىن ىسكە قوسۋعا 6,2 ملرد. تەڭگە ينۆەستيتسيا تارتىلدى. كاسىپورىنداردا 344 جاڭا جۇمىس ورىندارى اشىلىپ وتىر.ىسكە قوسىلعان كاسىپورىنداردىڭ ىشىندە 6 جوبا يندۋستريالدى ءوندىرىس ورىندارى بولىپ تابىلادى. ولاردىڭ ىشىندە مەتالل جانە تەمىر بۇيىمدارى، كورپۋستىق جيھاز، اۆتوموبيل شىنىلارى، حالىق تۇتىناتىن تاۋارلار، جەڭىل ونەركاسىپ جوبالارى بار.
مۇرات ايتەنوۆ – شىمكەنت قالاسىنىڭ اكىمى
اۋىل شارۋاشىلىعى سالاسىندا 5 جوبا جۇمىسىن باستادى. اگرارلىق سالادا جىلىجاي شارۋاشىلىعى ىسكە قوسىلسا، مال شارۋاشىلىعىندا ىرىمشىك جانە ءسۇت ونىمدەرى، مينەرالدى سۋ تسەحتارى، تاۋارلى ءسۇت فەرماسى، مال شارۋاشىلىعى جوبالارى جۇزەگە استى.
بۇگىندە شاھاردىڭ ونەركاسىپ سالاسىندا 700-دەن استام كاسىپورىن بەلسەندى تۇردە قىزمەت اتقارادى.ۇلەس جالپى وڭىرلىك ءونىم كولەمىنىڭ تورتتەن ءبىرىن قۇرايدى. بىلتىرعى جىلدىڭ قورىتىندىسىمەن قالانىڭ ونەركاسىپ سالاسىندا 654,2 ملرد. تەڭگەنىڭ ءونىمى وندىرىلگەن. تاۋەلسىزدىك جىلدارى ىشىندە قالا ەكونوميكاسىنا 2,5 ترلن. تەڭگەنىڭ ينۆەستيتسياسى تارتىلسا، شەت ەلدىك ينۆەستورلاردىڭ قاتىسۋىمەن 2,3 ملرد. اقش دوللارىن قۇرايتىن 17 جوبا جۇزەگە استى.
«SAGITEX GROUP» جشس ءىش كيىم ونىمدەرىن شىعاراتىن فابريكا. جوباعا 337 ملن تەڭگە ينۆەستيتسيا تارتىلعان. وندىرىسكە «وڭتۇستىك» ارنايى ەكونوميكالىق ايماقتان 1 گەكتار جەر بەرىلدى. 11 ادام جاڭا جۇمىس ورنىمەن قامتاماسىز ەتىلگەن. سونداي-اق بۇل كۇنى اۆتوموبيلگە ارنالعان شىنىلاردى جاساپ، مونتاجداۋمەن اينالىساتىن «بالقىبەكوۆ» سەرىكتەستىگى جۇمىسىن باستادى.جوباعا 40 ملن تەڭگە ينۆەستيتسيا تارتىلىپ، 20 جاڭا جۇمىس ورنىمەن قامتاماسىز ەتىلگەن. ەلوردا كۇنى مەرەكەسىنە وراي اشىلعان نىساننىڭ تاعى ءبىرى - «KASPY STEEL» جشس. كاسىپورىننىڭ وندىرىستىك قۋاتى جىلىنا 1 000 توننالىق مەتالل ونىمدەرىن شىعارۋعا مۇمكىندىك بەرەدى. قالا اكىمى مۇرات دۇيسەنبەكۇلى ءوندىرىس ورىندارىنىڭ جۇمىسىنا ساتتىلىك تىلەپ، ەل ەكونوميكاسىن ىلگەرىلەتۋگە كۇش سالاتىنىنا سەنىم ءبىلدىردى.
گ. قالمىرزاقىزى
