جاڭا وقۋ جىلىندا اقتوبە وبلىسىندا 418 مەكتەپتە 18 906 مۇعالىم ەڭبەك ەتىپ، 167 مىڭ وقۋشى ءبىلىم الۋدا. ۇستازداردىڭ 762-ءسى — جاس مامان. بيىل وبلىس بويىنشا 8 205 وقۋشى مەكتەپ تۇلەگى اتاندى. ال جاڭا وقۋ جىلىندا ءبىرىنشى سىنىپقا 18 784 ءبۇلدىرشىن قابىلداندى.
ۇستازدار مەرەيى
سەنبى كۇنى اقتوبەلىكتەر حالىقارالىق ۇستازدار كۇنىن اتاپ ءوتتى. مەرەكەگە وراي "ونەر" ورتالىعىندا "ۇستاز. ۇلىلىق. ۇلاعات" اتتى سالتاناتتى شارا ۇيىمداستىرىلدى.
شاراعا قاتىسقان وبلىس اكىمىنىڭ ورىنباسارى بۇلبۇل ەلەۋسىنوۆا ءبىلىم سالاسىنىڭ قىزمەتكەرلەرىن ءوڭىر باسشىسى وڭداسىن ءورازاليننىڭ اتىنان قۇتتىقتاپ، ولاردىڭ جاس ۇرپاقتى تاربيەلەۋگە قوسقان ۇلەستەرىن، ۇلكەن جاۋاپكەرشىلىكتى جانە قۇرمەتكە لايىقتى ەڭبەكتەرىن ايشىقتاپ ايتىپ ءوتتى.
وبلىس اكىمىنىڭ ورىنباسارى بۇلبۇل ەلەۋسىزوۆا ءبىلىم سالاسىنداعى جەتىستىكتەرى ءۇشىن 3 پەداگوگكە "ى.التىنسارين", 1 پەداگوگكە "قازاقستان رەسپۋبليكاسىنىڭ ءبىلىم بەرۋ ءىسىنىڭ قۇرمەتتى قىزمەتكەرى", ارداگەر 2 ۇستازعا "ەڭبەك ارداگەرى" توسبەلگىلەرىن تاقسا، وبلىستىڭ 22 ۇستازىنا ايماق باسشىسىنىڭ العىس حاتتارى مەن ارنايى سەرتيفيكاتىن تابىستادى. سونىمەن قاتار 3 مۇعالىمدى "اقتوبە وبلىسىنىڭ قۇرمەتتى ۇستازى" جانە 5 مۇعالىمدى "اقتوبە وبلىسىنىڭ ۇزدىك پەداگوگى" اتاقتارىمەن ماراپاتتادى.
ەڭ جاس "ۇزدىك پەداگوگ"
اقتوبە قالاسىنداعى "نۇر اقتوبە" ىقشام اۋدانىنداعى №60 جالپى ءبىلىم بەرەتىن ورتا مەكتەپتىڭ مۇعالىمى ابەن تالعات 29 قىركۇيەك كۇنى قوستاناي قالاسىندا وتكەن قازاقستان رەسپۋبليكاسىنىڭ ۇزدىك پەداگوگتەرىن ماراپاتتاۋ راسىمىندە قر ءبىلىم جانە عىلىم ءمينيسترى اسحات ايماعانبەتوۆتىڭ قولىنان «ۇزدىك پەداگوگ — 2021» اتاعىن جانە 2 917 000 تەڭگە كولەمىندەگى سەرتيفيكات الدى.
ينفورماتيكا ءپانىنىڭ مۇعالىمى ءارى ديرەكتوردىڭ وقۋ ءىسى جونىندەگى ورىنباسارى ابەن تالعات س.بايىشەۆ اتىنداعى اقتوبە ۋنيۆەرسيتەتى جانە ق.جۇبانوۆ اتىنداعى اقتوبە مەملەكەتتىك ۋنيۆەرسيتەتىندە وقىپ، ەكى جوعارى ءبىلىم العان. جاس مامان «بولاشاق» كوللەدجىندە، №23 ورتا مەكتەپتە جۇمىس ىستەگەن.
2014-2016 جىلدارى «اقپاراتتىق جۇيەلەر» ماماندىعى بويىنشا ماگيستراتۋرادا وقىپ، تەحنيكا عىلىمدارىنىڭ ماگيسترى اتاندى. 2018 جىلى №60 ورتا مەكتەبىنە ينفورماتيكا ءپانى مۇعالىمى بولىپ جۇمىسقا ورنالاستى. جالىندى جاس ۇجىمداعى ارىپتەستەرىمەن ەتەنە ارالاسىپ، كوپتەگەن ىستەرگە ۇيىتقى بولىپ، ءوزىن جاقسى قىرىنان كورسەتە ءبىلدى. جاس مامان ءوز شىعارماشىلىعىن دامىتىپ، ەلىمىزدە قولعا الىنعان «وقۋعا قۇشتار مەكتەپ — وقۋعا قۇشتار ۇلت» جوباسىن جۇزەگە اسىرۋدا بەينەتانىستىرىلىم دا ءتۇسىرىپ ۇلگەردى. ونىڭ بۇل جۇمىسىن كوپشىلىك جىلى قابىلدادى.
ءاردايىم ۇجىمداستارى مەن شاكىرتتەرىنە ۇلگى بولىپ جۇرگەن جاس تا بولسا، ۇزدىك اتانعان مامان الدا دا تالاي بەلەستەردى باعىندىرادى دەپ سەنەمىز.
ءرايلدىڭ جەتىستىگى
قازىر ءبىلىم وردالارىندا ەر مۇعالىمدەردىڭ سانى از. شاكىرتكە بىلىممەن قاتار جان-جاقتى تاربيە بەرىپ جۇرگەن ەر ازاماتتاردىڭ ءجونى قاشان دا بولەك. سونداي ۇستازداردىڭ ءبىرى — مارتوك اۋدانى رودنيكوۆكا ورتا مەكتەبىنىڭ مۇعالىمى رايل ابيلوۆ.
ء"ومىر جولىمدا سانالى ۇرپاق تاربيەلەپ، ساپالى، جان-جاقتى، سىني ويلاي الاتىن، زامان تالابىنا ساي، ءوز وتانىنىڭ بولاشاعى ءۇشىن كىرپىش بوپ قالانا بىلەتىن ازامات پەن ازاماتشالاردى ءبىلىم بەرۋدەگى وزىق تاجىريبەلەرمەن وقىتىپ، ءبىلىم بەرۋ — مەنىڭ ماقساتىم"- دەيدى رايل ابيلوۆ.
رايل ابيلوۆ ءوز ساباقتارىندا زاماناۋي جاڭا تەحنولوگيالاردى قولدانىپ ءدارىس بەرىپ كەلەدى. قازىرگى زاماناۋي تەحنولوگيالار 3 D مودەلدەۋ، روبوتتاردى ءتۇرلى دەڭگەيدە پروگراممالاۋدى شاكىرتتەرىنە ۇيرەتە وتىرىپ جۇمىس جاسايدى. زامان تالابىنا ساي ءۇش تىلدە ساباق جۇرگىزەدى.
رايل — وبلىستىق ينفورماتيكا مۇعالىمدەرى اراسىندا وتكەن پاندىك وليمپيادالارىنىڭ جەڭىمپازى (1-ورىن), وبلىس بويىنشا «ۇزدىك ينفورماتيك مۇعالىم» نوميناتسياسىنىڭ يەگەرى. ء"بىلىم بەرۋ ۇردىسىندە روبوتوتەحنيكا، باعدارلامالاۋ" اتتى 3D تەحنولوگياسىن قولدانۋدى دامىتۋداعى وبلىستىق جوبالار بايقاۋىندا ششىعارماشىلىعى مەن كاسىبي جەتىستىگىن جوعارى دەڭگەيدە كورسەتىپ، جەڭىمپاز اتاندى.(1-دارەجەلى ديپلوم). وبلىستىق «عالامتوردا باعدارلامالاۋ» اتتى ادىستەمەلىك جيناقتىڭ اۆتورى. وقۋشىلارى اۋداندىق، وبلىستىق رەسپۋبليكالىق بايقاۋلاردىڭ جۇلدەگەرلەرى.
داناگۇل بايمۇقاش،
"ادىرنا" ۇلتتىق پورتالى.
