بەلگىلى ءانشى مەرۋەرت تۇسىپباەۆا ءوزىنىڭ ينستاگرام پاراقشاسىندا ءالىبيدىڭ جاعدايى تۋرالى ءسوز قوزعاپ، پوست جازدى. ول جاس جىگىتتىڭ تاعدىرىنا الاڭداپ، بۇل تۋرالى اسحات ماەميروۆپەن سويلەسكەنىن تىلگە تيەك ەتتى دەپ حابارلايدى "ادىرنا" ۇلتتىق پورتالى.
"جاڭا عانا اسحات ماەميروۆپەن سويلەستىم…الىبيدىڭ كازىرگى جاعدايى تۋرالى ناعاشى اپكەسى قىرمىزى حانىم پوست جازىپتى… اسحات مىرزا ەرتەڭ استاناعا @abzalkuspan كەلەدى، سويلەسىپ، اقىلداسامىز دەدى. قانشا تانىمال ادام باس قوسىپ، ادىلدىككە جەتە الماي قويدىق….ەڭ سوڭعى رەت “ەۆرازيا “ ارناسىنان الىبيگە ارنالعان باعدارلامانى ءبىر كورسەتكەن سوڭ، كوزىن قۇرتقىزدى (قاي دوكەي ەكەن…) يۋتۋبقا سالعىزباپتى.ەندى نە ىستەۋگە بولادى؟! الىبيگە ايتتىم، انا جولى، شىدامدى بول دەپ….زورلانعان- قورلانعان ادام جوق!" — دەدى ء(انشىنىڭ جازباسىن ەش وزگەرىسسىز بەرىپ وتىرمىز-رەد.) م.تۇسىپباەۆا.
بۇعان دەيىن مەرۋەرت تۇسىپباەۆا ورازادان سوڭ ارنايى بارىپ، ءالىبيدىڭ جاعدايىن ءوز كوزىمەن كورىپ قايتقانىن ايتقان بولاتىن. جاس جىگىتتىڭ تاعدىرىنا بەي-جاي قاراي الماعان ءانشى ول تۋرالى ءوز پاراقشاسىنا دا جازدى. قازىر دە ءانشى تالانتتى جاستىڭ جاعدايىنا الاڭداۋشىلىق ءبىلدىرىپ وتىر.
ال ءالىبيدىڭ اپكەسىنىڭ ايتۋىنشا، اقتاۋدان قىزىلورداعا "كوشىرىلگەن" ءالىبيدى جاقىندا ءۇش جىگىت ۇرىپ تاستاعان. جاعدايى جاقسى ەمەس.
— اقتاۋدا 15 كۇنگە كارانتينگە تۇسكەن ۋاقىتتا ءۇش جىگىت جابىلىپ، ساباعان. قىزىلورداعا كوشىرگەن سەبەبى تۇرمە عيماراتى اپاتتىق جاعدايدا بولعان سوڭ سوتتالعانداردى ءار وڭىرگە بولگەن. سول كەزدە ءالىبي قىزىلورداعا جىبەرىلگەن. كارانتيننەن شىققان سوڭ ەندىگى جاعداي مىناۋ. جىگىتتەر ۇرعانىن ءبىز كەش ەستىدىك. ءالىبي بۇل جاعدايدى ۇيدەگى الديار دەگەن ىنىمە ايتىپتى. تۇرمەدە وتىر دەپ بارلىق ادام تاياق جەي بەرە مە؟ ءالىبيدىڭ تۇك كىناسى جوق. قازىر ونىڭ جاعدايىن بىلە الماي وتىرمىز، قورقىپ ءومىر ءسۇرىپ جاتىرمىز. ءىنىمىزدىڭ تاعدىرى جانىمىزدى اۋىرتادى، — دەيدى ءالىبيدىڭ اپكەسى ءىنىسىن ويلاپ.
ايتا كەتۋ كەرەك، ءالىبي — بەلگىلى اكتريسا، "قازاقتىڭ قىز جىبەگى" اتانعان مەرۋەرت وتەكەشوۆانىڭ شاكىرتى. مەرۋەرت قاراتايقىزى شاكىرتىنىڭ تاعدىرىنا الاڭداپ، ەلباسىنىڭ قابىلداۋىنا كىرۋگە ۇسىنىس تاستاپتى. ەندىگى ءۇمىت — ەلباسى مەن قوعام جاناشىرلارىندا.
"ادىرنا" ۇلتتىق پورتالى.
