اۋعانستاننىڭ بۇرىنعى پرەزيدەنتى اشراف عاني تامىزدا وزبەكستان اۋماعى ارقىلى ەلدەن قاشىپ، ءباا-گە قازاقستاندىق اۋە كومپانياسىنىڭ لاينەرىمەن ۇشىپ كەتكەن دەپ حابارلايدى "ادىرنا" ۇلتتىق پورتالى "ريا نوۆوستيگە" سىلتەمە جاساپ.
"كابۋلدان عانيمەن بىرگە قاشقان ادامداردىڭ قاتارىندا بولدىم" دەگەن ازامات 15 تامىزدا ەلدەن قاشۋ ءۇشىن پرەزيدەنت سارايىنىڭ اۋماعىندا ارنايى توتەنشە جاعداي ءۇشىن تۇرعان بىرنەشە تىكۇشاق تارتىلعانىن ايتتى.
"وزبەكستانداعى تەرمەزگە قونعان ءتورت تىكۇشاقتاعى 54 ادامنىڭ 22-ءسى — ۇشقىش، ەكىنشى ۇشقىش جانە ۆۆس تەحنيگى، ال 22-ءسى — پرەزيدەنتتىڭ كۇزەتشىسى بولدى، ولاردىڭ ەشقايسىنىڭ تولقۇجاتى جوق", - دەدى ول.
وزبەكستاندا عاني مەن ونىڭ اينالاسىنداعىلار ءبىر تاۋلىكتەن اسا ۋاقىت بولعان. وسى كەزدە ونى وزبەكستاننىڭ 200 اسكەري قىزمەتكەرى قورعاعانى حابارلاندى. باسىلىم دەرەككوزىنىڭ مالىمەتىنشە، ولار ەلگە كەلگەن اۋعانداردىڭ ء"ار قيمىلىن" باقىلاپ وتىرعان جانە ءتىپتى ولارعا ء"بىر-بىرىمەن سويلەسۋگە" رۇقسات بەرمەگەن.
كۇندىز 16 تامىزدا ەكس-پرەزيدەنت پەن ونىڭ ادامدارى شاعىن ۇشاققا وتىرعان. دەرەككوزدىڭ سوزىنشە، Flightradar پورتالىنىڭ مالىمەتى بويىنشا، لاينەر قازاقستاندىق اۆياكومپانياعا تيەسىلى بولعان. اقپارات بويىنشا ۇشاق 3,5 ساعاتتان كەيىن ابۋ-دابي اۋەجايىنا قونىپ، "بىرنەشە اراب" عانيدى قارسى العان.
"اشراف عاني اۋەجايدان شىققان ساتتەن باستاپ، ونى دا، باسقالارىن دا كورمەدىم", - دەدى باسىلىم سۇحباتشىسى.
ول ءباا شەنەۋنىكتەرى وعان جانە اۋعانستاننان كەلگەن باسقا ادامدارعا "بۇل ەلدە ولارعا تۇرۋعا مۇمكىندىك جوق" دەپ ەسكەرتكەنىن ايتتى.
"ادىرنا" ۇلتتىق پورتالى.
