Aýǵanstannyń burynǵy Prezıdenti Ashraf Ǵanı tamyzda Ózbekstan aýmaǵy arqyly elden qashyp, BAÁ-ge qazaqstandyq áýe kompanııasynyń laınerimen ushyp ketken dep habarlaıdy "Adyrna" ulttyq portaly "RIA Novostıge" silteme jasap.
"Kabýldan Ǵanımen birge qashqan adamdardyń qatarynda boldym" degen azamat 15 tamyzda elden qashý úshin Prezıdent saraıynyń aýmaǵynda arnaıy tótenshe jaǵdaı úshin turǵan birneshe tikushaq tartylǵanyn aıtty.
"Ózbekstandaǵy Termezge qonǵan tórt tikushaqtaǵy 54 adamnyń 22-si — ushqysh, ekinshi ushqysh jáne VVS tehnıgi, al 22-si — Prezıdenttiń kúzetshisi boldy, olardyń eshqaısynyń tólqujaty joq", - dedi ol.
Ózbekstanda Ǵanı men onyń aınalasyndaǵylar bir táýlikten asa ýaqyt bolǵan. Osy kezde ony Ózbekstannyń 200 áskerı qyzmetkeri qorǵaǵany habarlandy. Basylym derekkóziniń málimetinshe, olar elge kelgen aýǵandardyń "ár qımylyn" baqylap otyrǵan jáne tipti olarǵa "bir-birimen sóılesýge" ruqsat bermegen.
Kúndiz 16 tamyzda eks-prezıdent pen onyń adamdary shaǵyn ushaqqa otyrǵan. Derekkózdiń sózinshe, Flightradar portalynyń málimeti boıynsha, laıner qazaqstandyq avıakompanııaǵa tıesili bolǵan. Aqparat boıynsha ushaq 3,5 saǵattan keıin Abý-Dabı áýejaıyna qonyp, "birneshe arab" Ǵanıdi qarsy alǵan.
"Ashraf Ǵanı áýejaıdan shyqqan sátten bastap, ony da, basqalaryn da kórmedim", - dedi basylym suhbatshysy.
Ol BAÁ sheneýnikteri oǵan jáne Aýǵanstannan kelgen basqa adamdarǵa "bul elde olarǵa turýǵa múmkindik joq" dep eskertkenin aıtty.
"Adyrna" ulttyq portaly.
