شىمكەنت قالاسىنىڭ اكىمى مۇرات ايتەنوۆ ەلەكتر ەنەرگياسى سالاسىندا تانىمال «سايمان كورپوراتسياسى» جشس-گى ونىمدەرىنىڭ تانىستىرىلىمىنا قاتىستى. بۇل ەلەكتر ەنەرگياسىن ەسەپتەۋ قۇرالدارى ءوندىرىسىنىڭ تولىق تسيكلى بار وتاندىق اسپاپ جاساۋ سالاسىنداعى جەتەكشى كاسىپورىن بولىپ تابىلادى.
اكىم نازارىنا كاسىپورىننىڭ ەلەكتروندى ەلەكتر جانە گاز ەسەپتەگىشتەرىنىڭ، توك ترانسفورماتورلارىنىڭ، ەلەكتر ەنەرگياسىن ولشەۋدىڭ ىشكى جانە سىرتقى شكافتارى، پانەلدىك جابدىقتار، جارىقديودتى ونىمدەر، ەلەكتر ەنەرگياسىن ەسەپتەۋدىڭ اۆتوماتتاندىرىلعان جۇيەسى مەن سىرتقى جارىقتاندىرۋدى باسقارۋدىڭ اۆتوماتتاندىرىلعان جۇيەسى ۇسىنىلدى.قالا باسشىسى ءاردايىم وتاندىق ءونىمدى قولدايتىنىن ايتىپ، قالاداعى كاسىپورىندار مەن مەكەمەلەرگە اتالعان كورپاراتسيانىڭ ونىمدەرىن ۇسىنۋدى ايتتى. بۇدان بولەك، سەرىكتەستىك قازاقستاننىڭ باسقا وڭىرلەرىندەگى كومپانيا ۇسىنعان سىرتقى جارىقتاندىرۋ جۇمىستارى سىندى بىرنەشە نىساندى مىسال رەتىندە كورسەتتى.«SAIMAN» قۇرال ءوندىرۋ زاۋىتى الماتى قالاسىندا ورنالاسقان. كومپانيا ءوز قىزمەتىنىڭ 29 جىلدان استام تاريحىندا نارىقتا سەنىمدى سەرىكتەس-ءوندىرۋشى، ولشەۋ اسپاپتارى مەن ەنەرگيا رەسۋرستارىن ەسەپكە الۋ باعدارلامالىق جاساقتاماسىن جەتكىزۋشى رەتىندە بەدەلگە يە بولعان.
