قازاقستان قارۋلى كۇشتەرى ۇجىمدىق قاۋىپسىزدىك شارتى ۇيىمىنا مۇشە ەلدەرمەن بىرلەسىپ جاتتىعۋ وتكىزەدى دەپ حابارلادى "ادىرنا" ۇلتتىق پورتالى.
جيىن قازان ايىنىڭ باسىندا ەلىمىزدىڭ وڭتۇستىك-شىعىس ايماقتارىندا، اتاپ ايتقاندا جامبىل جانە الماتى وبلىستارىندا وتەدى. بۇل تۋرالى قورعانىس مينيسترلىگىنىڭ ءباسپاسوز قىزمەتى مالىمدەدى.
ەلىمىزدە جەدەل دەن قويۋ ۇجىمدىق كۇشتەرىنىڭ «ءوزارا ءىس-قيمىل – 2022» كوماندالىق-شتابتىق وقۋ-جاتتىعۋلارى، بارلاۋ كۇشتەرى مەن قۇرالدارىنىڭ «ىزدەۋ – 2022» ارنايى وقۋ-جاتتىعۋى جانە ماتەريالدىق-تەحنيكالىق قامتاماسىز ەتۋ بولىمشەلەرىنىڭ «ەشەلون – 2022» ارنايى وقۋ-جاتتىعۋى وتەدى دەپ جوسپارلانعان. جەدەل ورىستەتۋ ۇجىمدىق كۇشتەرىنىڭ وقۋ-جاتتىعۋ جيىنى 26 قىركۇيەكتە باستالىپ، 8 قازانعا دەيىن سوزىلماق.
"اسكەري قۇرىلىمداردىڭ كوشىپ-قونۋى، ءبىر مەكەننەن ەكىنشى ءبىر مەكەنگە ورىن اۋىستىرۋىن قامتاماسىز ەتۋ ءۇشىن كوممەندانتتىق قىزمەت ۇيىمداستىرىلادى، - دەلىنگەن مالىمدەمەدە.
ءىس-شارالار ۇقشۇ ۇجىمدىق قاۋىپسىزدىك جۇيەسىنىڭ ماقساتى بويىنشا تاپسىرمالاردى ورىنداۋعا دايىندىعىن ارتتىرۋعا باعىتتالعان.
