ورال قالاسىنىڭ تۇرعىنىن جۇك ۆاگونىن پلومبالاۋ كەزىندە ەلەكتر توگىنا ۇردى. 26 جاستاعى جىگىت جۇمىس ورنىندا بىردەن قايتىس بولدى، دەپ حابارلايدى "ادىرنا" ۇلتتىق پورتالى استانا تەلەارناسىنا سىلتەمە جاساپ.
پوليتسەيلەردىڭ ايتۋىنشا، جاس جىگىت تەمىرجولدىڭ تۇيىق تۇستارىنىڭ بىرىندە مورلەردى ءىلىپ قويعان، بىراق ەلەكتر جەلىسىنە ءتيىپ كەتكەن. ارىپتەستەرسى جىگىتكە كومەكتەسۋگە اسىقتى، بىراق ءبارى كەش بولدى. كەلگەن جەدەل جاردەم دارىگەرلەرى ءولىم ۋاقىتىن عانا جاريالادى.
مارقۇمنىڭ دەنەسى ساراپتاماعا جىبەرىلدى.
قايعىلى وقيعا بولعان جەردە قاۋىپسىزدىك ەرەجەلەرى ساقتالماعانى انىقتالدى. كاسىپورىن باسشىسىنا قاتىستى قىلمىستىق ءىس قوزعالدى. ول بەس جىلعا دەيىن باس بوستاندىعىنان ايىرىلۋى مۇمكىن.
"جۇمىس ورنىندا بولعان كەزدە 1995 جىلى تۋعان ازاماتتى ەلەكتر توگى سوعىپ، ول وقيعا ورنىندا قايتىس بولدى. قازىرگى ۋاقىتتا وسى كاسىپورىن ديرەكتورىنا قاتىستى قر قك 156 -بابى 3 -بولىگى بويىنشا ەڭبەكتى قورعاۋدى قامتاماسىز ەتپەۋ فاكتىسى بويىنشا سوتقا دەيىنگى تەرگەۋ جۇرگىزىلۋدە", - دەدى بقو پوليتسيا دەپارتامەنتىنىڭ ءباسپاسوز قىزمەتىنىڭ جەتەكشى مامانى ءمولدىر سادىرعاليەۆا.
"ادىرنا" ۇلتتىق پورتالى
