بۇگىن تاڭەرتەڭ الماتىدا شىمبۇلاق تاۋ كۋرورتىنداعى Oblaka restobar مەيرامحاناسىنىڭ جانىندا ءورت بولدى. بۇل تۋرالى توتەنشە جاعدايلار دەپارتامەنتى جاريالادى، دەپ حابارلايدى “ادىرنا” ءتىلشىسى.
ءورتتى ءسوندىرۋ ءۇشىن قاردى سۋعا اينالدىراتىن قار گەنەراتورلارىنىڭ ەكى جەلىسى ىسكە قوسىلعان.
تجد-عا ءورت تۋرالى حابار تاڭعى ساعات 05:30-دا تۇسكەن.
ساعات 08.05-تە ءورت وقشاۋلاندى. قۇرباندار مەن زارداپ شەككەندەر جوق. ءورتتىڭ سەبەبى انىقتالىپ جاتىر. جالىندى سوندىرۋگە جەكە قۇرامنىڭ 13 ادامى جۇمىلدىرىلدى، – دەدى الماتى قالالىق تجد وكىلدەرى.
ءۇش قاباتتى مەيرامحاناداعى ءورت كولەمى – 800 شارشى مەتر (تەڭىز دەڭگەيىنەن 3200 مەتر بيىكتىكتە). ارنايى ءورت تەحنيكاسىنا ارنالعان كىرمە جولداردىڭ بولماۋىنا بايلانىستى ءورتتى ءسوندىرۋ ىشكى ورتكە قارسى كراندار ارقىلى جۇرگىزىلدى.
سونداي-اق، كومبي-2 اسپالى جولىنىڭ جۇمىسى توقتاتىلىپ، ءورت جويىلعانعا دەيىن تالعار تاس جولدارى دا جابىلدى.
