رەسەيدىڭ اسكەري-تەحنيكالىق ىنتىماقتاستىق فەدەرالدى قىزمەتىنىڭ (FSWTS) ديرەكتورى دميتري شۋگاەۆ امەريكالىقتاردىڭ اۋعانستاندا قالدىرعان قارۋىنىڭ جالپى قۇنى 85 ميلليارد دوللارعا باعالانۋى مۇمكىن ەكەنىن ايتتى. بۇل تۋرالى ول "زۆەزدا" تەلەارناسىنىڭ ەفيرىندە حابارلادى.
“22 مىڭ برونەتەحنيكا، 358 مىڭ اۆتومات، 176 ارتيللەريالىق قوندىرعى، 8 مىڭ جۇك كولىگى، كولىك ۇشاقتارى، جۇزدەن استام قارۋلانعان تىكۇشاق. شىندىعىن ايتقاندا، بۇل ساندار شوشىتادى”،– دەدى ديرەكتور.
ول امەريكالىق اسكەردىڭ اۋعانستاننان اسىعىس ۇشۋى ەلگە كوپ شىعىن اكەلگەنىن اتاپ ءوتتى.
ەسكە سالايىق كەتەيىك، 2021 جىلعى 31 تامىزدا اقش ءوز اسكەرىن اۋعانستاننان تولىعىمەن شىعارىپ، جيىرما جىلدىق ميسسياسىن اياقتاعان ەدى.
«ادىرنا» ۇلتتىق پورتالى
