اۋعانستانمەن شەكارادا اتىس ورىن الىپ، وزبەك سولداتى قازا تاپتى. بۇل تۋرالى پرەزيدەنت شاۆكات ميرزيوەۆ نامانگاندا سايلاۋشىلارمەن كەزدەسۋىندە ايتتى، دەپ حابارلايدى “ادىرنا” ۇلتتىق پورتالى.
«نيگوح» Telegram -ارناسىنىڭ حابارلاۋىنشا، جانجال 26 قىركۇيەكتە اۋعانستاننان كەلگەن ەسىرتكى ساتۋشى وزبەكستاننىڭ مەملەكەتتىك شەكاراسىن زاڭسىز كەسىپ وتپەك بولعان كەزدە ورىن العان.
«كەشە مەملەكەتتىك شەكارادان زاڭسىز ءوتۋ ارەكەتى ورىن الدى. بىراق ءبىزدىڭ ۇستانىمىمىز بەرىك، قاجەت بولعان جاعدايدا ءبىز شەكارامىزدى قارۋمەن قورعايمىز. ءوز بورىشىن ابىرويمەن اتقارعان ءبىر جاۋىنگەرىمىز ەرلىكپەن قازا تاپتى. ول وسى نامانگان جەرىنىڭ بالاسى »، - دەدى پرەزيدەنت.
ءبىر اي بۇرىن اۋعانستان بيلىك باسىنا كەلگەن جانە الەمنىڭ بىرنەشە ەلدەرىندە تىيىم سالىنعان «تاليبان» قوزعالىسى بۇل ەلدى ەسىرتكىسىز ايماققا اينالدىراتىنىن جاريالادى.
