Aýǵanstanmen shekarada atys oryn alyp, ózbek soldaty qaza tapty. Bul týraly prezıdent Shavkat Mırzııoev Namanganda saılaýshylarmen kezdesýinde aıtty, dep habarlaıdy “Adyrna” ulttyq portaly.
«Nıgoh» Telegram -arnasynyń habarlaýynsha, janjal 26 qyrkúıekte Aýǵanstannan kelgen esirtki satýshy Ózbekstannyń memlekettik shekarasyn zańsyz kesip ótpek bolǵan kezde oryn alǵan.
«Keshe memlekettik shekaradan zańsyz ótý áreketi oryn aldy. Biraq bizdiń ustanymymyz berik, qajet bolǵan jaǵdaıda biz shekaramyzdy qarýmen qorǵaımyz. Óz boryshyn abyroımen atqarǵan bir jaýyngerimiz erlikpen qaza tapty. Ol osy Namangan jeriniń balasy », - dedi prezıdent.
Bir aı buryn Aýǵanstan bılik basyna kelgen jáne álemniń birneshe elderinde tyıym salynǵan «Talıban» qozǵalysy bul eldi esirtkisiz aımaqqa aınaldyratynyn jarııalady.
