رەسەي باسشىسى ۆلاديمير پۋتين مەملەكەتتىك دۋما دەپۋتاتتارىمەن كەزدەسۋ بارىسىندا رەسەيدىڭ عارىش سالاسىن دامىتۋى مەن ءوز عارىش ايلاعىن سالۋعا قاتىستى ءسوز قوزعادى. ول ءسوز اراسىندا قازاقستان جايلى دا ايتا كەتتى.
"ارينە ءبىز قازاقستانمەن ارىپتەس بولدىق ءارى ونى جالعاستىرا بەرەمىز. الايدا قانشا ستراتەگيالىق ءوزارا مىندەتتەمەلەرگە قاراماستان قازاقستان باسقا ەل، باسقا مەملەكەت. سوندىقتان ءبىز قيىر شىعىستا زاماناۋي عارىش ايلاعىن سالىپ جاتىرمىز. ناعىز زاماناۋي", - دەدى ول مەمدۋما دەپۋتاتتارىمەن كەزدەسۋ بارىسىندا.
ءپۋتيننىڭ پىكىرىنشە عارىش ايلاعى ناعىز حالىقتىق جوبا. جوسپار بويىنشا رەسەي ءوزىنىڭ عارىش ايلاعىن سالعان سوڭ، بايقوڭىردان عارىشقا زىمىران ۇشىرۋ ەسەلەپ ازايماق.
"ادىرنا" ۇلتتىق پورتالى
