6 وبلىس پەن 2 مەگاپوليستە ازىق-تۇلىك باعاسى قالاي شارىقتادى؟

3060
Adyrna.kz Telegram

بيىل نۇر-سۇلتان جانە الماتى قالالارىندا، قوستاناي، قاراعاندى، اتىراۋ، ماڭعىستاۋ، باتىس قازاقستان جانە شىعىس قازاقستان وبلىستارىندا الەۋمەتتىك ماڭىزى بار ازىق-تۇلىك تاۋارلارىنىڭ باعاسى بويىنشا ساۋدا ۇستەمەسىنەن اسىپ كەتۋ جانە سىياقى الۋدىڭ 46 فاكتىسى انىقتالعان دەپ حابارلايدى "ادىرنا" ۇلتتىق پورتالى.

بۇل تۋرالى پرەمەر-مينيستر اسقار ءماميننىڭ قاتىسۋىمەن ۇكىمەتتىڭ الەۋمەتتىك ماڭىزى بار ازىق-تۇلىك تاۋارلارىنىڭ باعاسىن رەتتەۋ ماسەلەلەرى بويىنشا وتكىزگەن كەڭەستە ايتىلدى.

جيىندا اتالعان وڭىرلەردىڭ باسشىلارىنا شەكتى ساۋدا ۇستەمەسىنەن اسىرا بەلگىلەگەن ساۋدا سۋبەكتىلەرىن جاۋاپكەرشىلىككە تارتۋ جونىندە شۇعىل شارالار قابىلداۋ قاجەتتىگى اتاپ ءوتىلدى.

"الەۋمەتتىك ماڭىزى بار ازىق-تۇلىك تاۋارلارى باعاسىنىڭ وسۋىنە جول بەرمەۋ ماسەلەسى مەملەكەت باسشىسى قاسىم-جومارت توقاەۆتىڭ ەرەكشە باقىلاۋىندا. ازىق-تۇلىك باعاسى – بۇل الەۋمەتتىك وزەكتى ماسەلە. ۇكىمەت ينفلياتسياعا قارسى دەن قويۋ شارالارىنىڭ كەشەنىن، ءبىرىنشى كەزەكتە اوك سەكتورىنداعى قۇندى قالىپتاستىرۋدىڭ بۇكىل تىزبەگى بويىندا باعالاردى تۇراقتاندىرۋ بويىنشا ىسكە اسىرادى", — دەدى ا. مامين.

جالپى، پرەمەر-مينيستر اكىمدىكتەر مەن مينيسترلىكتەرگە ينفلياتسياعا قارسى دەن قويۋ شارالارى كەشەنىنىڭ ۋاقتىلى جانە تولىق ورىندالۋىن قامتاماسىز ەتۋدى تاپسىردى. ەگىن جيناۋ ماۋسىمىنىڭ اياقتالۋىنا بايلانىستى اكىمدىكتەرگە «اينالىم سحەماسى» بويىنشا قوسىمشا قارجىلاندىرۋ ءبولۋدى جەدەلدەتۋ جانە وڭىرلىك تۇراقتاندىرۋ قورلارىنا بۇرىن جەتكىزىلگەن ازىق-تۇلىك كولەمىن ساتىپ الۋدى جۇزەگە اسىرۋ تاپسىرىلدى.

بۇل رەتتە فورۆاردتىق ساتىپ الۋ شەڭبەرىندە استىق جەتكىزۋ بويىنشا «ازىق-تۇلىك كورپوراتسياسى» ۇك» اق الدىندا اۋىل شارۋاشىلىعى تاۋارىن وندىرۋشىلەردىڭ مىندەتتەمەلەرىن ورىنداۋدى قامتاماسىز ەتۋ مىندەتى قويىلدى.

 

"ادىرنا" ۇلتتىق پورتالى.

پىكىرلەر