"مىسالى، اۋىل شارۋاشىلىعىنىڭ جالپى ءونىم كولەمى 9%-كە ۇلعايىپ، 9,3 ترلن تەڭگە بولدى. ءوسۋدىڭ نەگىزگى فاكتورى بولعان وسىمدىك شارۋاشىلىعىندا ءونىم ءوندىرۋ كولەمى 15%-كە ارتتى. جوسپاردى ىسكە اسىرۋمەن بىرگە، دەلدالدىق سحەمالاردىڭ جولىن كەسۋ، الەۋمەتتىك ماڭىزى بار ازىق-تۇلىك تاۋارلارىنىڭ باعاسىنا مونيتورينگ جۇرگىزۋ جانە نارىقتىق رەتتەۋ شارالارى بەلسەندى تۇردە ىسكە اسىرىلىپ جاتىر. قابىلدانعان شارالار وڭ ناتيجە بەردى. وتكەن 2 اپتا ىشىندە نەگىزگى ازىق-تۇلىك باعالارىنىڭ ءوسۋى تىركەلگەن جوق. اگروونەركاسىپ سالاسىندا بىرقاتار جوبالار بويىنشا ءتيىستى جۇمىستار جۇرگىزىلۋدە. اتاپ ايتقاندا، ءوندىرىستى ودان ءارى ءارتاراپتاندىرۋ ءۇشىن 65 تاۋارلى-ءسۇت فەرماسى ىسكە قوسىلادى", دەدى ءاليحان سمايىلوۆ.
سونىمەن قاتار ۇكىمەت باسشىسى ازىق-تۇلىك قاۋىپسىزدىگىن قامتاماسىز ەتۋ جوسپارىن ورىنداۋ بويىنشا جۇمىستى جالعاستىرۋ قاجەت ەكەنىن ايتتى. اسىرەسە، نارىق قاجەتتىلىكتەرىن انىقتاپ، كوكونىس قويمالارىن جاڭارتۋ، قىسقا مەرزىم ىشىندە سۋبسيديالاۋدىڭ ونلاين-پلاتفورماسىن دايىنداۋعا ءمان بەرىلمەك.
جانە دە «قازاقستان تەمىر جولى» كومپانياسىمەن بىرلەسىپ، ماۋسىم ايىنىڭ سوڭىنا دەيىن الەۋمەتتىك ماڭىزى بار ازىق-تۇلىك تاۋارلارىنىڭ قاجەتتى ونىمدەرىن ساتىپ الۋ، ونىڭ ىشىندە كورشى ەلدەردەن اكەلەۋدى قامتاماسىز ەتۋ، اۋىل شارۋاشىلىعى مينيسترلىگى «ازىق-تۇلىك كورپوراتسياسىنىڭ» جۇمىسىن نارىققا ساي قايتا قۇرۋ باعىتتارى دا باستى نازاردا.
"ادىرنا" ۇلتتىق پورتالى
