6 oblys pen 2 megapolıste azyq-túlik baǵasy qalaı sharyqtady?

3059
Adyrna.kz Telegram

Bıyl Nur-Sultan jáne Almaty qalalarynda, Qostanaı, Qaraǵandy, Atyraý, Mańǵystaý, Batys Qazaqstan jáne Shyǵys Qazaqstan oblystarynda áleýmettik mańyzy bar azyq-túlik taýarlarynyń baǵasy boıynsha saýda ústemesinen asyp ketý jáne syıaqy alýdyń 46 faktisi anyqtalǵan dep habarlaıdy "Adyrna" ulttyq portaly.

Bul týraly Premer-Mınıstr Asqar Mamınniń qatysýymen Úkimettiń áleýmettik mańyzy bar azyq-túlik taýarlarynyń baǵasyn retteý máseleleri boıynsha ótkizgen keńeste aıtyldy.

Jıynda atalǵan óńirlerdiń basshylaryna shekti saýda ústemesinen asyra belgilegen saýda sýbektilerin jaýapkershilikke tartý jóninde shuǵyl sharalar qabyldaý qajettigi atap ótildi.

"Áleýmettik mańyzy bar azyq-túlik taýarlary baǵasynyń ósýine jol bermeý máselesi Memleket basshysy Qasym-Jomart Toqaevtyń erekshe baqylaýynda. Azyq-túlik baǵasy – bul áleýmettik ózekti másele. Úkimet Inflıaııaǵa qarsy den qoıý sharalarynyń keshenin, birinshi kezekte AÓK sektoryndaǵy qundy qalyptastyrýdyń búkil tizbegi boıynda baǵalardy turaqtandyrý boıynsha iske asyrady", — dedi A. Mamın.

Jalpy, Premer-Mınıstr ákimdikter men mınıstrlikterge ınflıaııaǵa qarsy den qoıý sharalary kesheniniń ýaqtyly jáne tolyq oryndalýyn qamtamasyz etýdi tapsyrdy. Egin jınaý maýsymynyń aıaqtalýyna baılanysty ákimdikterge «aınalym shemasy» boıynsha qosymsha qarjylandyrý bólýdi jedeldetý jáne óńirlik turaqtandyrý qorlaryna buryn jetkizilgen azyq-túlik kólemin satyp alýdy júzege asyrý tapsyryldy.

Bul rette forvardtyq satyp alý sheńberinde astyq jetkizý boıynsha «Azyq-túlik korporaııasy» UK» AQ aldynda aýyl sharýashylyǵy taýaryn óndirýshilerdiń mindettemelerin oryndaýdy qamtamasyz etý mindeti qoıyldy.

 

"Adyrna" ulttyq portaly.

Pikirler