الەۋمەتتىك ماڭىزى بار ازىق-تۇلىك تاۋارلارىنىڭ 80%-ى جەتىسۋ جەرىندە وندىرىلەدى

5764
Adyrna.kz Telegram

الەۋمەتتىك ماڭىزى بار ازىق-تۇلىك تاۋارلارىنىڭ باعاسىن تۇراقتاندىرۋ ماقساتىندا الماتى وبلىسىنىڭ اكىمدىگى، وبلىستىق بيۋدجەتتەن 3 ملرد. تەڭگە  قاراجات بولگەن، ونىڭ ىشىندە تۇراقتاندىرۋ قورىن قالىپتاستىرۋعا – 700 ملن. تەڭگە جانە جەڭىلدىك نەسيە بەرۋ ءۇشىن – 2,3 ملرد. تەڭگە قاراستىرىلعان. بۇل تۋرالى «Jetisy Media» اقپاراتتىق الاڭىندا وتكەن ءباسپاسوز-ءماسليحاتىندا ءمالىم بولدى.

جەتىسۋ ولكەسىندە 19 الەۋمەتتىك ماڭىزى بار ازىق-تۇلىك تاۋارلارىنىڭ 80% وندىرىلەدى.  سول سەبەپتەن تۇراقتاندىرۋ قورىنا ساتىپ الىناتىن ازىق-تۇلىك تاۋارلارىنىڭ  90% الماتى وبلىسىنىڭ تاۋار وندىرۋشىلەرىنەن الىنادى.

وتكەن جىلدان باستاپ وبلىستىڭ تۇراقتاندىرۋ قورىنا 1 ملرد. 227 ملن. تەڭگە سوماسىنا 8 743 توننا كولەمىندە ازىق-تۇلىك ساتىپ الىندى.  ايماقتاعى تۇراقتاندىرۋ قورىنداعى ونىمگە سۇرانىس ارتتقان. ناتيجەسىندە 7 400 توننا ءونىم ساتىلعان. وتكىزىلگەن ازىق-تۇلىكتىڭ باسىم بولىگى 1-سۇرىپتى بيناي ۇنى بولىپ وتىر.

الماتى وبلىسىندا نەگىزىنەن 55 ناۋبايحانا جۇمىس جاسايدى. اتالعان كاسىپورىندار وڭىردەگى  اس اتاسىنىڭ باعاسىن وسىرمەۋ ءۇشىن، ارزانداتىلعان باعاداعى ۇنمەن قامتاماسىز ەتىلگەن.   قابىلدانعان شارالاردىڭ ارقاسىندا 2019 جىلدىڭ قاراشاسىنان باستاپ جانە 2020 جىلدىڭ ىشىندە ناۋبايحانادان نارىققا جونەلتىلەتىن  ناننىڭ باعاسى ءبىر بولكە ءۇشىن 85 تەڭگەدەن اسپادى.

ايتا كەتەيىك، تۇراقتاندىرۋ قورىنان الەۋمەتتىك ماڭىزى بار  ازىق-تۇلىك تاۋارلارى نارىقتاعى باعاممەن سالىستىرعاندا   10-15% تومەن  باعامەن ساتىلادى.

«بۇگىنگى كۇنگە تۇراقتاندىرۋ قورىندا 1 278 توننا ءونىم بار. اتالعان تاۋارلار، تالدىقورعان قالاسىنداعى  كوممۋنالدىق بازاردا تومەن باعادا ساتىلىمعا شىعادى. وبلىستىڭ تۇراقتاندىرۋ قورىنان اقسۋ قانت زاۋىتى وندىرگەن قۇم-شەكەردى كەلىسى 207 تەڭگەدەن، بالقاش اۋدانىنىڭ كۇرىش وسىرەتىن قوجالىقتارىنان ساتىپ الىنعان كۇرىشتى  210 تەڭگەدەن، قاپشاعاي قالاسىندا «مارەۆەن فۋد تيان-شان» كاسىپورىنى وندىرگەن ماكاروندى 185 تەڭگەدەن، ەسكەلدى اۋدانىنىڭ اۋىل شارۋاشىلىعى تاۋار وندىرۋشىلەرىنىڭ كارتوپ ءونىمىن 80 تەڭگەگە، ال  پيازدىڭ كەلىسىن 70 تەڭگەدەن  ساتىپ الۋعا بولادى»،-دەيدى جەتىسۋ الەۋمەتتىك-كاسىپكەرلىك كورپوراتسياسى باسقارما توراعاسىنىڭ ورىنباسارى  الميرا يبرايموۆا.

مەملەكەت باسشىسىنىڭ باستاماسى بويىنشا اگرارلىق ءونىمنىڭ تۇراقتى ساتىپ الىنۋ جانە وتكىزۋ جۇيەسىن جولعا قويۋ، سونداي-اق ءامات باعاسىن كوتەرىلمەۋى ءۇشىن 2020 جىلى «ەگىستىكتەن سورەگە دەيىن» باعدارلاماسى باستاۋ العان بولاتىن. بۇل ماقساتقا رەسپۋبليكالىق بيۋدجەتتەن 1 ملرد. تەڭگە ءبولىندى.

پيلوتتىق جوبا اياسىندا، قانت ءوندىرىسى ءۇشىن ءتاتتى ءتۇبىردى وسىرەتىن شارۋا قوجالىقتارىنا، اعارتىلعان كۇرىش وندىرۋشىلەرىنە، ءسۇت، جۇمىرتقا جانە كوكونىس ونىمدەرىن وندىرۋشىلەرگە جەڭىلدەتىلگەن نەسيە بەرىلىپ، كاسىپكەرلەردىڭ تاۋارلارى وبلىستاعى ساۋدا ورىندارىنداعى سورەگە  ورنالاستىرىلعان بولاتىن.

ۇكىمەتتىڭ تاراپىنان بەرىلگەن نەسيە شارۋالاردىڭ ءىسىنىڭ العا باسۋىنا ءوز سەپتىگىن تيگىزىپ كەلەدى. سايكەسىنشە، فەرمەرلەر مەن وندىرۋشىلەر تاراپىنان جەڭىلدەتىلگەن نەسيە الۋعا سۇرانىس ارتقان. اتالعان مەحانيزم بويىنشا جۇمىس جالعاسپاق.

 

پىكىرلەر