الماتى وبلىسىنىڭ ورتالىعىندا 60-قا جۋىق وتباسى باسپانالى بولدى

660

تالدىقورعاننىڭ وبلىس ورتالىعى مارتەبەسىن العانىنا 20 جىل تولۋىنا وراي قالاداعى وڭتۇستىك-باتىس تۇرعىن اۋدانىنىڭ "بولاشاق" شاعىن اۋدانىندا كوپپاتەرلى ءۇي پايدالانۋعا بەرىلدى.

تۇرعىن ءۇيدىڭ جالپى اۋدانى 5 مىڭ شارشى مەتردەن اسادى. بارلىعى كوپقاباتتى تۇرعىن ۇيدە 55 پاتەر بار.

باس شاھاردىڭ مەرەيتويى اياسىندا 60-قا جۋىق وتباسى باسپانالى بولىپ وتىر.تۇرعىنداردى مەرەكەمەن قۇتتىقتاپ، جاڭا پاتەردىڭ كىلتىن تابىستاۋعا وبلىس اكىمى اماندىق باتالوۆ ارنايى كەلدى.

ول ءوز سوزىندە، تالدىقورعان قالاسى وبلىس ورتالىعى بولىپ اۋىسقالى بەرى تانىماستاي بولىپ وزگەرگەندىگىن ايتتى.

"تالدىقورعاندا سوڭعى 20 جىلدا ايماقتاعى بارلىق سالالار بويىنشا ءوسۋ قارقىنى ورىن الدى. قالا جان-جاقتى دامىدى. جاڭادان شاعىن اۋداندار اشىلىپ، ءتۇرلى الەۋمەتتىك نىساندار بوي كوتەردى. بۇنىڭ بارلىعىن جاساۋ ءۇشىن، قازىناعا تۇسەتىن سالىقتىڭ كولەمى دە ارتۋى كەرەك. قازىرگى كەزدە بۇل كورسەتكىش 860 ملرد. تەڭگەنى قۇراپ وتىر. وسىنىڭ ارقاسىندا بۇگىنگى دەڭگەيگە جەتىپ وتىرمىز. ەلباسى مەن مەملەكەت باسشىسى قاسىم-جومارت كەمەلۇلىنىڭ قولداۋى دا قازىرگى ناتيجەگە قول جەتكىزۋگە مۇمكىندىك بەرىپ وتىرعانىن اتاپ وتكەن ءجون",- دەدى وبلىس اكىمى اماندىق باتالوۆ.

"شاڭىراق"تۇرعىن ءۇي باعدارلاماسىنىڭ قاتىسۋشىلارى جاڭا پاتەرلەردىڭ باقىتتى يەگەرلەرى اتاندى. سولاردىڭ قاتارىندا، اق جاۋلىقتى انا نۇكەن قۇلبايقىزىدا بار.

"بالام بۇگىن قۇتتى شاڭىراعىنىڭ كىلتىن قولىنا الدى. بۇل قونىس تويدى ۇزاق ۋاقىت كۇتتىك. 2005 جىلى شاڭىراق كوتەرىپ، بۇگىندە 4 پەرزەنتى بار. بالالارىم ءۇشىن وتە قۋانىشتىمىن. باسپانالارى بەرەكەلى بولسىن. بۇگىن ءتىپتى قۋانعاننان كوزىمە جاس الىپ وتىرمىن",- دەيدى نۇكەن قۇلبايقىزى.

ايتا كەتەيىك، الداعى 5-10 جىلدا قالا تاعىدا جاڭارىپ، جاندانا تۇسپەك. كەلەشەكتە باس شاھار كورىنىسى بۇگىنگىدەن دە وزگەشە بولماق.

پىكىرلەر
رەداكتسيا تاڭداۋى