شىمكەنتتە 80 مىڭ توننا ءونىم جينالدى

2689
Adyrna.kz Telegram

شىمكەنتتە بيىل اۋىل شارۋاشىلىعى داقىلدارى 29,3 مىڭ گا جەرگە ەگىلدى. كورسەتكىش وتكەن جىلمەن سالىستىرعاندا 1,4 مىڭ گەكتارعا ارتىق.

ەگىن جيناۋ جۇمىستارىنا 791 بىرلىك اۋىل شارۋاشىلىعى تەحنيكاسى جۇمىلدىرىلدى. تاۋەلسىزدىكتىڭ 30 جىلدىعىنا وراي جاڭا 7 تراكتور ساتىپ الىندى. ونىڭ ىشىندە 3 دانا شەتەلدەن جانە 4 دانا وتاندىق تراكتور الىندى. ينۆەستيتسيالىق سۋبسيديالاۋ باعدارلاماسىمەن 2 تەحنيكا سۋبسيديالاندى.

پاندەمياعا قاراماستان ديقانداردىڭ وراسان ەڭبەگىنىڭ ناتيجەسىندە شىمكەنتتە سەگىز ايدا 80 مىڭ توننا ءونىم جينالدى، ونىڭ ىشىندە ءداندى داقىلدار - 14,4 مىڭ توننا، مايلى داقىلدار – 3 مىڭ توننا، كوكونىس، باقشا - 42,7 مىڭ توننا، كارتوپ - 3,1 مىڭ توننا، مال ازىقتىق داقىلدار - 16,8 مىڭ توننا. بۇل جوسپاردىڭ 93,7 پايىزى ورىندالعانىن كورسەتەدى. بارلىق استىقتىڭ ساپاسى جوعارى جانە بارلىق تالاپتارعا ساي كەلەدى.

جينالعان ءونىمنىڭ كولەمى 28,5 ملرد. تەڭگەگە جەتتى. جىل سوڭىنا دەيىن 29,3 مىڭ گەكتار ەگىس القابىنان جالپى 85,4 مىڭ توننا ءونىم جينالسا، جالپى ءونىم كولەمى 37 ملرد. تەڭگەگە جەتەدى دەپ جوسپارلانىپ وتىر.

شىمكەنت قالاسى اكىمدىگىنىڭ ءباسپاسوز قىزمەتى

پىكىرلەر