ۆاكتسيناتسيالاۋ جەر-جەردە قارقىن الۋدا.
ماسەلەن، ەڭبەكشىقازاق اۋدانىندا العاش بولىپ ەسىك پەن شەلەكتەگى اۋرۋحانالاردا ەكپە كابينەتتەرى اشىلسا، بۇگىندە العاشقى مەديتسينالىق-سانيتارلىق كومەك كورسەتۋ ورتالىقتارىندا، اۋدان اۋماعىنداعى كەيبىر دارىگەرلىك امبۋلاتوريالاردا دا ارنايى ەكپە كابينەتتەرى جاساقتالدى. سونداي-اق جىلجىمالى ەكپە بريگادالارى قۇرىلدى. سونداي بريگادانىڭ ءبىرى اۋدانداعى ۇلكەن ءوندىرىس ورىندارى - «Adal» جانە «FoodMaster» كومپانيالارىنا بارىپ، قىزمەتكەرلەرىنە كوروناۆيرۋسقا قارسى ۆاكتسينا سالدى.
- بۇل جىلجىمالى ەكپە بريگادالارى حالىققا ۆاكتسيناتسيالاۋدىڭ قولجەتىمدىلىگىن ارتتىرۋ جانە ەكپە الۋ پروتسەسىن جەڭىلدەتۋ ءۇشىن ۇيىمداستىرىلىپ وتىر. ادام كوپ شوعىرلانعان جەرلەردە كوروناۆيرۋستى جۇقتىرۋ قاۋپى دە جوعارىلاي تۇسەدى. سوندىقتان قوعامدىق يممۋنيتەتتى قالىپتاستىرۋدا ۇلكەن كاسىپورىن قىزمەتكەرلەرىن ۆاكتسيناتسيالاۋدىڭ ماڭىزى زور. وسى ورايدا جىلجىمالى ەكپە بريگاداسىنا ارتىلعان جۇك تە سالماقتى، – دەدى ەڭبەكشىقازاق اۋداندىق سانيتارلىق-ەپيدەميولوگيالىق باقىلاۋ باسقارماسى باسشىسىنىڭ ورىنباسارى د.باقبەرگەنۇلى.
اۋداندىق سانيتارلىق-ەپيدەميولوگيالىق باقىلاۋ باسقارماسىنىڭ مالىمەتىنە سۇيەنسەك، بۇگىندە اۋداندا «سپۋتنيك-V» ۆاكتسيناسىنىڭ 1-كومپونەنتىن 7265 ادام العان. ال ۆاكتسينانىڭ ەكى كومپونەنتىن تولىق العان ازاماتتارى سانى – 1196-عا جەتكەن.
