دەنساۋلىق ساقتاۋ مينيسترلىگىنىڭ سانيتارلىق-ەپيدەميولوگيالىق باقىلاۋ كوميتەتىنىڭ تاماقتانۋ، ءبىلىم بەرۋ جانە تاربيە وبەكتىلەرىن باقىلاۋ باسقارماسىنىڭ باسشىسى گۇلشارات قوجاتوۆا مەكتەپ اسحانالارىنىڭ جۇمىسىندا نە وزگەرۋى مۇمكىن ەكەنىن ايتتى، دەپ حابارلايدى "ادىرنا".
قوجاتوۆا دەنساۋلىق ساقتاۋ مينيسترلىگى وسى جىلى كاسىپكەرلىك كودەكسكە جانە «دەنساۋلىق ساقتاۋ جانە دەنساۋلىق ساقتاۋ جۇيەسى تۋرالى» كودەكسكە بالالار باراتىن وبەكتىلەردى مەملەكەتتىك باقىلاۋعا قاتىستى وزگەرىستەر ەنگىزىپ جاتقانىن اتاپ ءوتتى.
«نەگىزگى جاڭالىق – وبەكتىلەردى كەنەتتەن تەكسەرۋ، ياعني توسىن كەلۋ ءپرينتسيپىن ەنگىزۋ، ياعني الداعى تەكسەرۋلەر تۋرالى الدىن الا حابارلاما الىنىپ تاستالادى. ەكىنشىدەن، مونيتورينگتىك ساپارلاردى ەنگىزۋ جوسپارلانۋدا، ياعني سانيتارلىق-ەپيدەميولوگيالىق باقىلاۋ ورگاندارى وبەكتىلەرگە مونيتورينگ جۇرگىزۋگە قۇقىلى بولادى»، – دەپ ءتۇسىندىردى سپيكەر.
ونىڭ مالىمەتىنشە، قۇجات پارلامەنت سەناتىنىڭ قاراۋىندا.
