«اۋەجايدى باسىپ الۋ ءىسى» بويىنشا 4 جىلعا سوتتالعان جۋرناليست، بەلسەندى ايگەرىم تىلەۋجاننىڭ دەنساۋلىعى ناشارلادى. بۇل تۋرالى Masa Media ءتىلشىسى جاريالادى، دەپ حابارلايدى ”ادىرنا” ۇلتتىق پورتالى.
«ماعان ايگەرىمنىڭ دەنساۋلىعى ناشارلاعانى تۋرالى، مەكەمە تاراپىنان ءتيىستى كومەك كورسەتىلمەگەنى جونىندە اقپاراتتى ونىڭ اناسى ايتتى. ايگەرىم اشتىق جاريالاعان كەزدە ونىڭ بىرنەشە ءتىسى ءتۇسىپ قالعان. قازىر ونىڭ دەنساۋلىعى ناشارلاعان»، — دەدى ايگەرىم تىلەۋجاننىڭ دەنساۋلىعى جونىندە ادۆوكاتى اينارا ايدارحانوۆا.
سونداي-اق، ادۆوكاتتىڭ ايتۋىنشا، ايگەرىم تىلەۋجاننىڭ ءتىسى عانا ەمەس، ومىرتقاسى دا اۋىرىپ، پروترۋزياسى اسقىنعان.
جاۋعاشتى اۋىلىنداعى ايەلدەر تۇرمەسىنىڭ اكىمشىلىگى ايگەرىم تىلەۋجاننىڭ ستاتسيونارعا جاتقىزىلماۋىنا مەديتسينا ءبولىمى عيماراتىنىڭ جوندەلۋى سەبەپ دەگەن.
ايتا كەتەيىك، جۋرناليست، ساياسي بەلسەندى ايگەرىم تىلەۋجان قاڭتار وقيعاسى كەزىندە «الماتى اۋەجايىن باسىپ الۋدى ۇيىمداستىردى» دەگەن ايىپپەن 4 جىلعا باس بوستاندىعىنان ايىرىلعان.
