قازاقستاندىق اۋىر اتلەتتەر ميحايل ماكەەۆ پەن فارحات سامارحانوۆ ارىپتەستەرى البەرت ليندەردىڭ قايعىلى قازاسىنا بايلانىستى ۆيدەو ۇندەۋ جاسادى، دەپ حابارلايدى «ادىرنا» ءتىلشىسى orda.kz-كە سىلتەمە جاساپ.
25 جاسار اۋىر اتلەت لينەردىڭ جاقىندا قايتىس بولعان ەدى. ول از عانا ۋاقىتتىڭ ىشىندە جاسوسپىرىمدەر اراسىندا الەم چەمپيونى، ازيا چەمپيونى، ۋنيۆەرسيادانىڭ جەڭىمپازى جانە رەكوردسمەنى، قازاقستاننىڭ بىرنەشە دۇركىن چەمپيونى اتانىپ ۇلگەردى.
— مەنىڭ اتىم – ماكەەۆ ميحايل. البەرت ليندەردىڭ قازاسىنان كەيىن مەن ءبىر نارسەنى ءتۇسىندىم، جىلدار بويى قان مەن تەرىممەن تاپقان مەدالدار ماعان ەندى قاجەت ەمەس. مەن ءوز حالقىم ءۇشىن ەمەس، باسقا ادامداردىڭ پايداسى ءۇشىن جاتتىعىپ، جارىستارعا قاتىسقاندىقتان، ماعان ەندى ولار قاجەت ەمەس، – دەدى ماكەەۆ مەدالداردى قوقىس جاشىگىنە لاقتىرىپ جاتىپ.
تاعى ءبىر سپورتشى سامارحانوۆ تا وسىنداي ويىمەن ءبولىسىپ، بەينەجازباعا ءتۇستى.
— بارشاڭىزعا اسسالاۋماعالەيكۇم! مەن بۇل ۆيدەونى اۋىر اتلەتيكاعا قاتىسى بار بارلىق ادامعا جانە قاراپايىم حالىققا جەتكىزگىم كەلەدى. البەرت ليندەردى ەسكە الۋ ءۇشىن ءبىر اۋىز ءسوز ايتقىم كەلەدى. جاس كەزىمىزدە ءبىز ۇلكەن بيىكتەرگە قول جەتكىزگىمىز كەلدى، بىراق كەدەرگى كوپ بولدى. ال البەرتپەن بولعان جاعدايدا ونىڭ ومىرىنە بالتا شابىلدى، – دەدى سپورتشى.
ول ءوسىپ كەلە جاتقان ۇرپاققا دا سپورتتاعى قيىندىقتار تۋرالى ايتىپ ءوتتى.
— بىزگە جاتتىقتىرۋشىلار: «ورنىڭدى باسا المايتىن ادام بولمايدى. سەن كەتسەڭ، باسقاسى كەلەدى»،— دەپ ايتاتىن. سوندىقتان سەندەردى دە ءبىر كۇنى وزگەلەر الماستىرادى. ال بۇل مەدالدار ماعان ەندى كەرەك ەمەس. ولاردى ءۇيىمنىڭ قابىرعاسىنا ءىلىپ، شاڭ جيناپ، ءومىرىمنىڭ بوس كەتكەن جىلدارىن ەسكە ءتۇسىرۋدىڭ ماعىناسى جوق، – دەدى سامارحانوۆ.
پوسموترەت ەتۋ پۋبليكاتسيۋ ۆ Instagram
<>
«ادىرنا» ۇلتتىق پورتالى
