Qazaqstandyq aýyr atletter Mıhaıl Makeev pen Farhat Samarhanov áriptesteri Albert Lınderdiń qaıǵyly qazasyna baılanysty vıdeo úndeý jasady, dep habarlaıdy «Adyrna» tilshisi orda.kz-ke silteme jasap.
25 jasar aýyr atlet Lınerdiń jaqynda qaıtys bolǵan edi. Ol az ǵana ýaqyttyń ishinde jasóspirimder arasynda álem chempıony, Azııa chempıony, Ýnıversıadanyń jeńimpazy jáne rekordsmeni, Qazaqstannyń birneshe dúrkin chempıony atanyp úlgerdi.
— Meniń atym – Makeev Mıhaıl. Albert Lınderdiń qazasynan keıin men bir nárseni túsindim, jyldar boıy qan men terimmen tapqan medaldar maǵan endi qajet emes. Men óz halqym úshin emes, basqa adamdardyń paıdasy úshin jattyǵyp, jarystarǵa qatysqandyqtan, maǵan endi olar qajet emes, – dedi Makeev medaldardy qoqys jáshigine laqtyryp jatyp.
Taǵy bir sportshy Samarhanov ta osyndaı oıymen bólisip, beınejazbaǵa tústi.
— Barshańyzǵa Assalaýmaǵaleıkúm! Men bul vıdeony aýyr atletıkaǵa qatysy bar barlyq adamǵa jáne qarapaıym halyqqa jetkizgim keledi. Albert Lınderdi eske alý úshin bir aýyz sóz aıtqym keledi. Jas kezimizde biz úlken bıikterge qol jetkizgimiz keldi, biraq kedergi kóp boldy. Al Albertpen bolǵan jaǵdaıda onyń ómirine balta shabyldy, – dedi sportshy.
Ol ósip kele jatqan urpaqqa da sporttaǵy qıyndyqtar týraly aıtyp ótti.
— Bizge jattyqtyrýshylar: «Ornyńdy basa almaıtyn adam bolmaıdy. Sen ketseń, basqasy keledi»,— dep aıtatyn. Sondyqtan senderdi de bir kúni ózgeler almastyrady. Al bul medaldar maǵan endi kerek emes. Olardy úıimniń qabyrǵasyna ilip, shań jınap, ómirimniń bos ketken jyldaryn eske túsirýdiń maǵynasy joq, – dedi Samarhanov.
Posmotret etý pýblıkaııý v Instagram
<>
«Adyrna» ulttyq portaly
