بۇگىن شىمكەنت قالاسىنىڭ اكىمى مۇرات ايتەنوۆ توكيودا وتكەن وليمپيادانىڭ قولا جۇلدەگەرلەرى دارحان ءاسادىلوۆ پەن سوفيا بەرۋلتسەۆاعا پاتەر كىلتىن تابىستادى.
سپورتشىلاردىڭ الەمدىك دودالارداعى جەتىستىگى ەل ابىرويى ءۇشىن ماڭىزدى. قالا اكىمى جەتىستىكتەر ارقىلى كاراتە سپورت ءتۇرىنىڭ قالاداعى دامۋ دەڭگەيىن كوتەرگەنىن ايتىپ، وسى ەڭبەكتەرى ءۇشىن قالا تۇرعىندارى اتىنان العىس ءبىلدىردى.
سپورتشىلارعا تۇرعىن ءۇي قورىنىڭ ەسەبىنەن بەرىلگەن ءنۇرسات شاعىناۋدانىنداعى ءبىر بولمەلى پاتەردى قالا اكىمىنىڭ ورىنباسارى ماقسۇت يساحوۆ لەنتاسىن قيىپ تابىستادى.
تاۋەلسىزدىكتىڭ 30 جىلدىعى قارساڭىندا وسىنداي تابىستارعا قول جەتكىزگەن قوس جۇلدەگەر اكىمدىككە جانە جانكۇيەر حالىققا العىستارىن جەتكىزدى. سونداي-اق، ولار بۇل قارقىندا قالىپ قويماي، الدا وتەتىن ازيا چەمپيوناتىنا قىزۋ دايىندالاتىنىن اتاپ ءوتتى.
ايتا كەتەيىك، كاراتە سپورتى بيىلعى وليمپيادا ويىندارىنا تۇڭعىش رەت ەنگىزىلگەن بولاتىن. دارحان مەن سوفيا – كاراتە تاريحىندا قازاقستاننان شىققان تۇڭعىش وليمپيادا جۇلدەگەرى.
