نۇر-سۇلتان قالاسىنىڭ تۇرعىنى ەرسۇلتان ابدىعالي Telegram مەسسەندجەرىنە ارنالعان بوت قۇردى. ول قازاق تىلىندەگى ءماتىندى نەمەسە قۇجاتتى كيريلل الىپبيىنەن لاتىن الىپبيىنە تۇرلەندىرەدى. بۇدان باسقا، سەرۆيس ورىس جانە اعىلشىن تىلدەرىندەگى اۋديونى قازاق تىلىنە اۋدارا الادى. بۇل تۋرالى NUR.KZ حابارلادى.
ەرسۇلتان «ەسەپ جانە اۋديت» ماماندىعى بويىنشا ەۋرازيا ۇلتتىق ۋنيۆەرسيتەتىندە ماگيستراتۋراسىنىڭ ەكىنشى كۋرسىندا وقيدى. ءحوببيى رەتىندە ول QazaqLatinBot Telegram بوتىن قۇردى. ماتىندەردى كيريلل الىپبيىنەن لاتىن الىپبيىنە تۇرلەندىرەدى جانە اۋديونى ورىس جانە اعىلشىن تىلدەرىنەن قازاق تىلىنە اۋدارادى.
«مەن بوتتى شامامەن ءۇش اپتا بويى جاسادىم، بارلىق پروتسەستەردى تىركەدىم. مەن مۇنداي بوتتاردىڭ ءالى بولماعانىنا نازار اۋداردىم. ول بولاشاقتا لاتىن قارپىنە كوشۋ كەزىندە جاقسى قۇرالعا اينالعانىن قالايمىن.
بوت كوممەرتسيالىق ماقساتتا ەمەس، ىڭعايلى بولۋ ءۇشىن جانە وسىنداي فۋنكتسيالاردى قاجەت ەتەتىن ادامدارعا كومەك كورسەتۋ ءۇشىن قۇرىلعان»، – دەيدى ەرسۇلتان ابدىعالي.
بوتتى پايدالانۋ تولىعىمەن تەگىن. ارتىقشىلىعى – اقپاراتتى وڭاي بولىسۋگە بولادى. دەرەكتەردى تەلەفوندا نەمەسە كومپيۋتەردە ەمەس، Telegram ارقىلى چاتتىڭ وزىندە ساقتاۋعا بولادى.
ازىرلەۋشىنىڭ ايتۋىنشا، بوتتىڭ كەيبىر شەكتەۋلەرى بار. سونىمەن، حابارلامالاردى 4096 تاڭباعا دەيىن تۇرلەندىرۋگە بولادى. قۇجاتتاردى WORD-فورماتتا كونۆەرتاتسيا QazaqLatinBot-تىڭ ايرىقشا فۋنكتسياسى بولىپ تابىلادى، ويتكەنى بۇل تەلەفوننان دا، Telegram-نىڭ كومپيۋتەردەگى قولدانبادان دا ىڭعايلى.
«ءسىز اۋديونى جازىپ، بوتقا جىبەرە الاسىز. سوسىن ونى اۋدارىپ، حابارلامانى لاتىن الىپبيىنە تۇرلەندىرەدى. قازىرگى ۋاقىتتا ورىس جانە اعىلشىن تىلدەرىن تانۋ قولجەتىمدى.
بۇل فۋنكتسيانى توپقا دا ورناتۋعا بولادى، اۋديوجازبانى تىڭداۋ مۇمكىن بولماعان كەزدە، بوت اۋديو مازمۇنىن جاڭا حابارلامانىڭ جانىنا باسىپ شىعارادى»، – دەيدى ەرسۇلتان.
ونىڭ ايتۋىنشا، سويلەۋدى تانۋ قازىر جالعاستى دامۋدا جانە جەتىلدىرىلۋ ۇستىندە.
«مەنىڭ ويىمدا ءومىردى جەڭىلدەتەتىن باسقا دا پايدالى سايتتار، چات-بوتتار قۇرۋ جوسپارى بار. وسى كەزدە مەن قالادا ءدارى-دارمەكتەردى ساتىپ الۋ، تاپسىرىس بەرۋ، ىزدەۋ بارىسىن قالاي جاقسارتۋعا بولاتىندىعى جايلى ويلانامىن. بىراق مەن پايدا اكەلەتىن جاڭا قىزىقتى يدەيالارعا قۇمارمىن» – دەپ تۇيىندەدى ستۋدەنت.
