عىلىم جانە جوعارى ءبىلىم ءمينيسترى ساياسات نۇربەك ەشكىمگە ەسكەرتپەستەن، توسىن تۇردە سەمەيدەگى ستۋدەنتتەردىڭ جاتاقحانالارىن ارالادى. الدىمەن شاكارىم ۋنيۆەرسيتەتىندەگى نىساندارعا باس سۇعىپ، ونداعى جاعدايدى كوزىمەن كوردى. ستۋدەنتتەردىڭ وقۋ ۇردىسىنە قاتىستى سان-cالالى ساۋالدارىن تىڭداپ، جاتاقحانا قىزمەتكەرلەرىمەن دە تىلدەستى.
قازىر شاكارىم ۋنيۆەرسيتەتىندە 1120 ورىندىق 4 جاتاقحانا بار. جاتاقحانالارعا 791 ستۋدەنت جايعاستىرىلعان. ءالى دە بوس ورىنداردى تولتىرۋ جۇمىستارى جۇرگىزىلىپ جاتىر.
مينيستر كەيىننەن ءاليحان بولەيحان ۋنيۆەرسيتەتىندەگى نىسانداردى ارالادى. اتالمىش ۋنيۆەرسيتەتتىڭ 400 ستۋدەنتى جاتاقحاناعا ورنالاسقان. تاعى 400 ورىندىق ەكىنشى عيمارات قازان ايىنىڭ سوڭىندا ستۋدەنتتەرگە ەسىك اشىپ، جايلى ۇيىنە اينالماق.
ەسكەرتە كەتەيىك، بۇگىنگى تاڭدا ەلىمىز بويىنشا 104 جوعارى وقۋ ورنىنا تيەسىلى 309 جاتاقحانادا 101 مىڭنان استام ستۋدەنت تۇرادى. بيىل تاعى 5 مىڭ ورىنعا ارنالعان 17 جاتاقحانا پايدالانۋعا بەرىلمەكشى. سونىمەن قاتار، عىلىم جانە جوعارى ءبىلىم ءمينيسترى ءوز سوزىندە الماتىداعى 1 كۋرس ستۋدەنتتەرى جاتاقحانامەن تولىق قامتىلعانىن ەرەكشە اتاپ ءوتتى.
"ادىرنا" ۇلتتىق پورتالى
