مۇنداي ينۆەستيتسيالىق جوبانى پولشانىڭ Selena Group كومپانياسى قالالىق ينۆەستيتسيالىق شتاب وتىرىسىندا ۇسىندى. جوبا قۇنى – 3 ملرد تەڭگە. جەكە كاسىپكەر ءوندىرىستى 2021-2022 جىلدارى ىسكە اسىرۋدى جوسپارلاپ وتىر. وعان قاجەتتى جەر تەلىمى – 2 گا. جۇلدىز يندۋستريالدى ايماعىنان جەر تەلىمىن بەرۋ كوزدەلۋدە. كاسىپورىن ىسكە قوسىلعاندا 100 ادام تۇراقتى جۇمىسپەن قامتىلادى دەپ كۇتىلۋدە.
وسىنداي سەرپىندى جوبالار شىمكەنت قالاسىنىڭ ەكونوميكالىق دامۋىنا ۇلەس قوساتىنىنا سەنىم بىلدىرگەن قالا باسشىسى ەڭ باستىسى يمپورتتى الماستىراتىن ساپالى ءونىم شىعارۋدى باستى ماقسات ەتۋدى ايتتى.ايتا كەتەيىك، قالاداعى «جۇلدىز» يندۋستريالدى ايماعىندا بۇگىندە ينجەنەرلىك ينفراقۇرىلىم جۇيەلەرى سالىنۋدا. مۇندا شامامەن قۇنى 200 ملرد. تەڭگە بولاتىن 60 ءىرى زاماناۋي كاسىپورىندار اشىلادى. ينۆەستورلار تاراپىنان قىزىعۋشىلىق جوعارى. بۇگىننىڭ وزىندە 100 ملرد. تەڭگەگە 25 ينۆەستيتسيالىق جوبالاردىڭ پۋلى جاساقتالعان. كەلىسىمدەرگە سايكەس بيىل 10 جوبانىڭ قۇرىلىسى باستالادى دەپ جوسپارلانۋدا.
اۆت. ايگەرىم.
