شىمكەنت قالاسىنىڭ اكىمى مۇرات ايتەنوۆ سالا ماماندارىمەن بىرگە مەگاپوليستىڭ الداعى جىلىتۋ ماۋسىمىنا دايىندىق بارىسىن پىسىقتادى. بۇگىندە قالاداعى جىلۋ جۇيەسىنە قوسىلعان 1945 كوپقاباتتى ءۇيدىڭ 93 پايىزى جىلىتۋ ماۋسىمىنا تولىق دايىن. ال، قالعان ۇيلەرگە جىلۋدى جەتكىزۋ جۇيەلەرىندە جوندەۋ جۇمىستارى قارقىندى ءجۇرىپ جاتىر. وسىلاي دەگەن قالالىق ەنەرگەتيكا جانە ينفراقۇرىلىمدى دامىتۋ باسقارماسىنىڭ باسشىسى بورانباي بولاتبەكوۆ بيۋدجەتتىك نىساندار 98 پايىزعا دايىن ەكەنىن مالىمدەدى.
«قالا اۋماعىندا 482 بيۋدجەتتىك نىسان ورنالاسقان، بۇگىنگى تاڭدا 474 نىسان دايىندالدى. ياعني، نىسانداردىڭ 98% الداعى جىلىتۋ ماۋسىمىنا دايىن. اتاپ ايتقاندا 256 ءبىلىم نىسانى، 33 سپورت جانە 14 الەۋمەتتىك وبەكتىلەردىڭ بارلىعى دايىن. ال، دەنساۋلىق ساقتاۋداعى 109 نىساننىڭ بۇگىندە 103 دايىن، ول 94 پايىز، مادەنيەت سالاسىندا 70 نىسان بولسا، ونىڭ 97 پايىزى دايىندالعان»،-دەدى باسقارما باسشىسى. بيىل قالادا ۇزىندىعى 29,5 شاقىرىم بولاتىن جىلۋ جۇيەلەرىنە اعىمداعى جوندەۋ جۇمىستارى جۇرگىزىلۋدە. ونىڭ ايتۋىنشا، وسى جىلى جىلۋ جۇيەلەرىنىڭ توزۋ دەڭگەيىن تومەندەتۋ ماقساتىندا جەرگىلىكتى بيۋدجەتتەن 1,96 ملرد. تەڭگە قارالعان. بۇگىنگى كۇنگە جۇمىستاردىڭ 84 پايىزى ورىندالعان، ول 24,7 شاقىرىمدى قۇرايدى. كەستەگە سايكەس قىركۇيەك ايىنىڭ سوڭىنا دەيىن تولىق اياقتالادى. ايتا كەتەيىك، قالانىڭ جىلۋ جۇيەلەرىنىڭ ۇزىندىعى 419,3 شاقىرىمدى قۇرايدى. بيۋدجەتتىك نىسانداردىڭ كومىرگە قاجەتتىلىگى 4,7 مىڭ توننا، تاسىمالدانعانى 4,6 مىڭ توننا، سۇيىق وتىنعا قاجەتتىلىگى 980 توننا بولسا، تولىق قامتاماسىز ەتىلگەن. قاجەتتى وتىن كولەمى 1 قىركۇيەككە دەيىن جەتكىزىلۋى ءتيىس.
نازكەن
