ءبىر ايدان كەيىن يران قۋاتتى يادرولىق قارۋلاردى ەكسپلۋاتاتسياعا شىعارىپ، سىناقتان وتكىزگەلى جاتىر. بۇل جايىندا The New York Times گازەتى ماگاتە-ءنىڭ ساياسي ەكسپەرتتەرىنە سىلتەمە بەرە وتىرىپ، حابارلاما جاسادى.
The New York Times-ءتىڭ حابارلاندىرۋىنان كەيىن اقش پەن ونىڭ وداقتاستارى كوپ كۇتپەي يرانمەن ءبىر كەلىسىمگە كەلۋدى ءجون كوردى. 2018 جىلى اقش يرانمەن اراداعى يادرولىق قارۋ بويىنشا جاسالعان كەلىسىم شارتتى بۇزعان ەدى. ەندى يران تاراپى قۋاتتى يادرولىق قارۋدى ماگاتە-ءنىڭ تىيىمىنسىز-اق ەمىن-ەركىن شىعارا باستادى.
ماگاتە-ءنىڭ ەكسپەرتتەرى قازىرگى ۋاقىتتا يراننىڭ ۋرانمەن جوعارى قانىقتىرىلعان يادرولىق گولوۆكالاردى جاساپ جاتقانىنا الاڭداپ، حالىقارالىق قاۋىمداستىققا اقپاراتتار تاراتىپ، مالىمەتتەر بەرىپ الەككە تۇسۋدە.
سونىمەن قاتار، ماگاتە-ءنىڭ ەكسپەرتتەرى الداعى ۋاقىتتا يراننىڭ جاسىرىپ وتىرعان بىرنەشە يادرولىق بازالارى جايىندا مالىمەتتەر بەرەمىز دەپ وتىر.
كەلەسى ايدا يران ۋرانمەن جوعارى قانىقتىرىلعان گولوۆكالاردى ەكسپلۋاتاتسياعا شىعارامىز دەگەنىن دە ماگاتە-ءنىڭ ەكسپەرتتەرى The New York Times گازەتىنە بەرگەن سۇحباتىندا ايتتى.
بەكبولات قارجان،
"ادىرنا" ۇلتتىق پورتالى
