قازاقستان رەسپۋبليكاسى تاۋەلسىزدىگىنىڭ 30 جىلدىعىن اتاپ ءوتۋ ماقساتىندا تالدىقورعان قالاسىنداعى نازارباەۆ زياتكەرلىك مەكتەبىنىڭ قابىرعاسىندا «جاسامپازدىق پەن دامۋ جىلدارى» اتتى اشىق ساباعى ءوتتى.
ساباقتىڭ باستى ماقساتى: قازاقستاننىڭ تۇڭعىش پرەزيدەنتى-ەلباسى ن.ءا. نازارباەۆتىڭ تاۋەلسىز قازاقستاننىڭ قالىپتاسۋى مەن دامۋىنداعى ءرولىن ۇعىنۋ ارقىلى وقۋشىلاردىڭ پاتريوتتىق سەزىمىن كۇشەيتۋ.
زياتكەرلىك مەكتەپ وقۋشىلارى ەلباسىنىڭ الەمدىك ارەناداعى بەيبىت باستامالارىن تالقىلادى، ونىڭ ىشىندە: ەۋرازيالىق ەكونوميكالىق وداقتى قۇرۋدىڭ ءرولى.
اشىق ساباقتا بالالار ەۋرازيالىق ەكونوميكالىق وداق قۇرۋدىڭ ساياسي، ەكونوميكالىق، تەحنولوگيالىق ماڭىزدىلىعىن، سونىمەن قاتار ونىڭ الەۋمەتتىك ماڭىزدىلىعىن تالداي الدى. اتاپ ايتقاندا، زياتكەرلەر ەاەو قۇرۋ ماقساتى، ونىڭ وداق ىشىندەگى جەتىستىكتەرى جانە قاتىسۋشىلار سانىنىڭ ءوسۋ سەبەپتەرى تۋرالى كوبىرەك ءبىلدى.
«تاۋەلسىزدىك» ساباعىنان ءبىز كوپتەگەن قاجەتتى اقپارات الدىق. قازاقستاننىڭ ەكونوميكالىق دامۋىنىڭ بولاشاعى تۋرالى سۇراقتاردى تالقىلادىق جانە دە الەمدىك ەكونوميكاداعى ۇلتتىق ەكونوميكالاردىڭ باسەكەگە قابىلەتتىلىگىن ارتتىرۋ ءۇشىن نە ۇسىنا الاتىنىمىزدى ايتتىق. سونىمەن قاتار قوسىمشا ەنەرگيا الۋدىڭ جولدارى، ءبىلىم سالاسىنىڭ دامۋى، قولجەتىمدى مەديتسينا، رەسۋرستاردى وڭتايلى پايدالانۋ ماسەلەلەرىن قوزعادىق، - دەدى ءوز سۇحباتىندا 12 -سىنىپ وقۋشىسى ءامىر قۋاتۇلى.
قيىن قالىپتاسۋ جولىنان وتكەن قازاقستان بۇگىندە الەمدىك كەڭىستىكتە ماڭىزدى ورىنداردى يەلەنەتىن تابىستى، سەرپىندى دامىپ كەلە جاتقان مەملەكەت. ال ءوز ەلىمەن بىرگە 30 جاستاعى قۇرداستارىدا دا كوپتەگەن جەتىستىكتەرگە جەتىپ كەلەدى. تالدىقورعان قالاسىنداعى نازارباەۆ زياتكەرلىك مەكتەبىنىڭ فيزيكا ءپانىنىڭ مۇعالىمى قايسار نۇربەك - سولاردىڭ ءبىرى.
اشىق ساباقتا قايسار نۇربەك ءوزىنىڭ ءومىر جولى، مۇعالىمدىك ماماندىققا قالاي كەلگەنى تۋرالى ايتىپ بەردى، سونىمەن قاتار تابىسقا جەتۋ فورمۋلاسىمەن ءبولىستى.
تابىسقا جەتۋ ءۇشىن ءسىز ۇنەمى دامۋىڭىز كەرەك دەپ ويلايمىن، ويتكەنى پروگرەسس ءبىر ورىندا تۇرمايدى; جاڭا نارسەلەردى ۇيرەنۋ قاجەت، مىسالى، تىلدەردى ۇيرەنۋ، جانە، ءسىزدىڭ جۇرەگىڭىزگە جاقىن ايماقتا كۇش -جىگەرىڭىزدى اياماي جۇمىس ىستەۋ، - دەيدى زياتكەرلىك مەكتەپتىڭ فيزيكا ءپانىنىڭ مۇعالىمى قايسار نۇربەك.
بارلىق نازارباەۆ زياتكەرلىك مەكتەپتەرىندە «تاۋەلسىزدىك» اشىق ساباقتارى وتكىزىلدى، وعان ءار ايماقتاعى سەرىكتەس مەكتەپتەردەن 50 مىڭعا جۋىق مۇعالىم قاتىستى.
ساباق جوعارى دەڭگەيدە ۇيىمداستىرىلدى. ەۋرازيالىق وداق تاقىرىبى تولىق اشىلدى. بىزگە توپتاعى جۇمىس ۇنادى، ءار وقۋشى ءوز كوزقاراسىمەن بولىسە الدى. ءبىزدى قىزىقتىرعان نارسە – ۇستازدىڭ ساباقتى جوسپارلاۋى. تاقىرىپتى ادام ومىرىمەن بايلانىستىرا وتىرىپ وتكىزۋى - ەۋرازيا وداقتاستىعىن ادامدار دوستاستىعىمەن بايلانىستىرسا، ال تاۋەلسىزدىكتىڭ 30 جىلدىعىن ادام جاسىمەن بايلانىستىردى، - دەپ كەگەن اۋدانى م.ورمانوۆ اتىنداعى ورتا مەكتەبىنىڭ مۇعالىمدەرى ءوز پىكىرلەرىمەن ءبولىستى.
