Qazaqstan Respýblıkasy Táýelsizdiginiń 30 jyldyǵyn atap ótý maqsatynda Taldyqorǵan qalasyndaǵy Nazarbaev Zııatkerlik mektebiniń qabyrǵasynda «Jasampazdyq pen damý jyldary» atty ashyq sabaǵy ótti.
Sabaqtyń basty maqsaty: Qazaqstannyń Tuńǵysh Prezıdenti-Elbasy N.Á. Nazarbaevtyń Táýelsiz Qazaqstannyń qalyptasýy men damýyndaǵy rólin uǵyný arqyly oqýshylardyń patrıottyq sezimin kúsheıtý.
Zııatkerlik mektep oqýshylary Elbasynyń álemdik arenadaǵy beıbit bastamalaryn talqylady, onyń ishinde: Eýrazııalyq Ekonomıkalyq Odaqty qurýdyń róli.
Ashyq sabaqta balalar Eýrazııalyq ekonomıkalyq odaq qurýdyń saıası, ekonomıkalyq, tehnologııalyq mańyzdylyǵyn, sonymen qatar onyń áleýmettik mańyzdylyǵyn taldaı aldy. Atap aıtqanda, zııatkerler EAEO qurý maqsaty, onyń Odaq ishindegi jetistikteri jáne qatysýshylar sanynyń ósý sebepteri týraly kóbirek bildi.
«Táýelsizdik» sabaǵynan biz kóptegen qajetti aqparat aldyq. Qazaqstannyń ekonomıkalyq damýynyń bolashaǵy týraly suraqtardy talqyladyq jáne de álemdik ekonomıkadaǵy ulttyq ekonomıkalardyń básekege qabilettiligin arttyrý úshin ne usyna alatynymyzdy aıttyq. Sonymen qatar qosymsha energııa alýdyń joldary, bilim salasynyń damýy, qoljetimdi medıına, resýrstardy ońtaıly paıdalaný máselelerin qozǵadyq, - dedi óz suhbatynda 12 -synyp oqýshysy Ámir Qýatuly.
Qıyn qalyptasý jolynan ótken Qazaqstan búginde álemdik keńistikte mańyzdy oryndardy ıelenetin tabysty, serpindi damyp kele jatqan memleket. Al óz elimen birge 30 jastaǵy qurdastaryda da kóptegen jetistikterge jetip keledi. Taldyqorǵan qalasyndaǵy Nazarbaev Zııatkerlik mektebiniń fızıka pániniń muǵalimi Qaısar Nurbek - solardyń biri.
Ashyq sabaqta Qaısar Nurbek óziniń ómir joly, muǵalimdik mamandyqqa qalaı kelgeni týraly aıtyp berdi, sonymen qatar tabysqa jetý formýlasymen bólisti.
Tabysqa jetý úshin siz únemi damýyńyz kerek dep oılaımyn, óıtkeni progress bir orynda turmaıdy; jańa nárselerdi úırený qajet, mysaly, tilderdi úırený, jáne, sizdiń júregińizge jaqyn aımaqta kúsh -jigerińizdi aıamaı jumys isteý, - deıdi Zııatkerlik mekteptiń fızıka pániniń muǵalimi Qaısar Nurbek.
Barlyq Nazarbaev Zııatkerlik mektepterinde «Táýelsizdik» ashyq sabaqtary ótkizildi, oǵan ár aımaqtaǵy seriktes mektepterden 50 myńǵa jýyq muǵalim qatysty.
Sabaq joǵary deńgeıde uıymdastyryldy. Eýrazııalyq odaq taqyryby tolyq ashyldy. Bizge toptaǵy jumys unady, ár oqýshy óz kózqarasymen bólise aldy. Bizdi qyzyqtyrǵan nárse – ustazdyń sabaqty josparlaýy. Taqyrypty adam ómirimen baılanystyra otyryp ótkizýi - Eýrazııa odaqtastyǵyn adamdar dostastyǵymen baılanystyrsa, al Táýelsizdiktiń 30 jyldyǵyn adam jasymen baılanystyrdy, - dep Kegen aýdany M.Ormanov atyndaǵy orta mektebiniń muǵalimderi óz pikirlerimen bólisti.
