تۇرسىنبەك قاباتوۆتىڭ قىزى شەتەلگە وقۋعا ءتۇستى

3007

قوعامدى ابىگەرگە سالىپ ۇلگەرگەن بەلگىلى ازىلكەش تۇرسىنبەك قاباتوۆ ورىن العان داۋ-دامايدىڭ الدىن الۋ ماقساتىندا قىزىن شەتەلگە وقۋعا ءتۇسىرىپتى، دەپ حابارلايدى "ادىرنا" ۇلتتىق پورتالى.

ويتكەنى ادەمى تۇرسىنبەكقىزى ءوزىنىڭ جەكە الەۋمەتتىك پاراقشاسىندا "مەنىڭ ۋنيۆەرسيتەتىم" دەگەن جازۋمەن دۋبايدا جۇرگەن ۆيدەوسىن جۇكتەپ ۇلگەرىپتى. بايقاۋىمىزشا، بۇل جەر دۋبايداعى ۋنيۆەرسيتەتتەردىڭ ءبىرىنىڭ الدى.

بەلسەندى جەلى قولدانۋشىلارى تۇرسىنبەك قاباتوۆتىڭ وتباسىمەن بىرگە ءۇش كۇن بۇرىن پارسى شىعاناعىنا كەتكەنىن جاقسى بىلەدى. ولاردىڭ پايىمىنشا، ازىلكەش دەمالۋدان بولەك، قىزىنىڭ وقۋى ماسەلەسىن دە شەشىپ كەلەتىن سياقتى.

ەستەرىڭىزگە سالا كەتەيىك، بۇعان دەيىن بەلگىلى زاڭگەر، ادۆوكات ابزال قۇسپان تۇرسىنبەك قاباتوۆتىڭ بيىل مەكتەپ بىتىرگەن ادەمى ەسىمدى قىزى ۇبت-عا ءوزىنىڭ ورنىنا سىمبات قاناي اتتى 2 كۋرس ستۋدەنتىنىڭ تەست تاپسىرۋعا كىرگەنىن ءوز پاراقشاسىندا جازعان بولاتىن. كوپ ۇزاماي بۇعان بايلانىستى تۇرسىنبەك قاباتوۆ ءوزى بۇل اقپاراتقا قاتىستى تۇسىنىك بەرىپ، بولعان جايتتى راستادى. الايدا ازىلكەش بۇل ىستەن بەيحابار ەكەنىن، بۇعان وتباسىنىڭ قاتىسى جوق ەكەنىن، ءبارىن تەستكە دايارلاۋ ورتالىعى ۇيىمداستىرعانىن مالىمدەگەن بولاتىن.

"ادىرنا" ۇلتتىق پورتالى

پىكىرلەر
ۇقساس جاڭالىقتار