Tursynbek Qabatovtyń qyzy shetelge oqýǵa tústi

3015

Qoǵamdy ábigerge salyp úlgergen belgili ázilkesh Tursynbek Qabatov oryn alǵan daý-damaıdyń aldyn alý maqsatynda qyzyn shetelge oqýǵa túsiripti, dep habarlaıdy "Adyrna" ulttyq portaly.

Óıtkeni Ádemi Tursynbekqyzy óziniń jeke áleýmettik paraqshasynda "meniń ýnıversıtetim" degen jazýmen Dýbaıda júrgen vıdeosyn júktep úlgeripti. Baıqaýymyzsha, bul jer Dýbaıdaǵy ýnıversıtetterdiń biriniń aldy.

Belsendi jeli qoldanýshylary Tursynbek Qabatovtyń otbasymen birge úsh kún buryn Parsy shyǵanaǵyna ketkenin jaqsy biledi. Olardyń paıymynsha, ázilkesh demalýdan bólek, qyzynyń oqýy máselesin de sheship keletin sııaqty.

Esterińizge sala keteıik, buǵan deıin belgili zańger, advokat Abzal Quspan Tursynbek Qabatovtyń bıyl mektep bitirgen Ádemi esimdi qyzy UBT-ǵa óziniń ornyna Symbat Qanaı atty 2 kýrs stýdentiniń test tapsyrýǵa kirgenin óz paraqshasynda jazǵan bolatyn. Kóp uzamaı buǵan baılanysty Tursynbek Qabatov ózi bul aqparatqa qatysty túsinik berip, bolǵan jaıtty rastady. Alaıda ázilkesh bul isten beıhabar ekenin, buǵan otbasynyń qatysy joq ekenin, bárin testke daıarlaý ortalyǵy uıymdastyrǵanyn málimdegen bolatyn.

"Adyrna" ulttyq portaly

Pikirler
Uqsas jańalyqtar