قازاق وقۋشىسى دۋبايدا ءوز جۇلدەسىن اناسى قايتىس بولعان دوسىنا بەرگەن. بۇل تۋرالى 81 مەكتەپ-گيمنازياسىنىڭ مۇعالىمى اسانۇلى نۇرعالي Instagram پاراقشاسىنا ۆيدەو جاريالادى، دەپ حابارلايدى “ادىرنا” ۇلتتىق پورتالى.
الماتى قالاسىنداعى 81 مەكتەپ-گيمنازيا، 6 “ب” سىنىپ وقۋشىسى ايبار ءالينۇر دجيۋ-دجيتسۋدان ابۋ-دابيدە بولعان الەم چەمپيوناتىنان كۇمىس القا يەگەرى اتاندى. العاشىندا دوسىمەن التىنعا تالاسىپ، فينالعا تۇسكەن ءالينۇر باس جۇلدەنى دوسىنا بەرگەن.
ول فينالعا 4 ادامدى جەڭىپ شىعادى. سول كەزدەگى قارسىلاسى وزىمەن ءبىر كلۋبتا جاتتىعاتىن سپورتشى بولىپ شىعادى. ول سپورتشىنىڭ جاقىندا اناسى قايتىس بولعانىن ءالينۇر ەستىگەن بولۋى كەرەك، كۇرەسپەي بىردەن ءبىرىنشى ورىندى سول سپورتشىعا بەرەدى. قارسىلاس سپورتشى ءوزىنىڭ قۋانىشىن جاسىرا الماي كوز جاسقا ەرىك بەرىپ، العىسىن ايتقان.
