ءبىزدىڭ قوعامدا دەپۋتات حالىق قالاۋلىسى سانالعانىمەن، حالىق الدىنداعى قىزمەتىن تولىققاندى ورىنداماي، سىنعا ۇشىراپ جاتقان كەزدەرى كەزدەسەدى. دانا حالقىمىز «حالىق سىنى قاتەسىز» دەگەن. حالىق ايتسا، ءبىلىپ ايتادى. ەڭبەكتى كورىپ، ەڭ شىنايى، ەڭ ءادىل باعانى بەرەتىن دە حالىق. ال، قالامىزداعى دەپۋتاتتارعا ەل قانداي باعا بەرەدى ەكەن؟
جىل باسىنان بەرى كوپتەگەن ءىستىڭ كۋاسى بولدىق. جۇرت اراسىنان تابىلىپ جاتقان دەپۋتاتتار دا از ەمەس. سولاردىڭ ءبىرى دە، بىرەگەيى – بايكەن اشىرباەۆ دەر ەدىم.
اعامىزدىڭ قانداي ءىسىن بايقادىق؟
وزدەرىڭىز بىلەتىندەي، ادامگەرشىلىككە ارنالعان ءۇش ساۋاپ بار: شولگە قۇدىق قازعان ءبىر ساۋاپ، جولعا اعاش ەككەن ءبىر ساۋاپ، وزەنگە كوپىر سالعان ءبىر ساۋاپ. سول ساۋاپتى ىستەردىڭ ءبىرىن جۇزەگە اسىرعان بايكەن ءاشىربايۇلى دەپۋتات بولىپ سايلانعاننان كەيىن ارادا ءبىر اي وتپەي، ءبىر ەمەس، ەكى اۋىلدىڭ كوپىرىن ءوز قارجىسى ەسەبىنەن جوندەپ بەردى. كوپتەن بەرى كوتەرىلىپ كەلگەن ماسەلە شەشىمىن تاپقانىنا سەنبەگەن ەڭبەكشى اۋدانى، جۇلدىز اۋماعى جانە بادام-1 ەلدى مەكەندەرىنىڭ تۇرعىندارى حالىق قالاۋلىسىنا العىسىن جەتكىزىپ، اق باتاسىن بەردى.
قر تۇڭعىش پرەزيدەنتى، ەلباسى نۇرسۇلتان ءابىشۇلى نازارباەۆ "حالىقتىڭ مۇڭ-مۇقتاجىنا قۇلاق اسىپ، ەتەنە جۇمىس جاساۋ قاجەت. بۇل – پارتيانىڭ، سونداي-اق بارلىق دەڭگەيدەگى دەپۋتاتتاردىڭ مىندەتى. ءبىزدىڭ ورتاق پارىزىمىز", – دەگەنى ەسىمىزدە. بايكەن مىرزانىڭ تىنىمسىز اۋدان اۋماعىن ارالاپ، تۇرعىندارمەن تۇراقتى جۇزدەسىپ تۇراتىنى دا كوڭىلگە قونىمدى ءىس. ءار ەلدى مەكەندە ماسەلەلى تۇس بولۋى مۇمكىن. حالىقتىڭ جاعدايىن سۇراپ، ماسەلەسىمەن تانىسىپ، شەشۋ جولىندا ات سالىساتىن حالىق قالاۋلىسىنا جۇرتشىلىقتىڭ ريزا بولاتىنى ءسوزسىز.
سونداي-اق، بايكەن ءاشىربايۇلىن حالقىنا قايىرىمدى دەپۋتات دەسەم قاتەلەسپەيمىن. بايكەن ءاشىربايۇلىنىڭ باستاماسىمەن “Nur Otan” پارتياسىنىڭ “30 قايىرىمدى ءىس” جوباسى اياسىندا رامازان ايىندا 525 وتباسىعا كومەك كورسەتىلدى، بۇدان بولەك، 100-دەن اسا وتباسىعا ءار مەزگىل سايىن ازىق-تۇلىك جاعىنان كومەك كورسەتىلىپ كەلدى. ءدال وسىنداي كەڭ جۇرەگىمەن جاساعان قايىرىمدىلىعى ءۇشىن «جومارت جۇرەك» سىيلىعىنىڭ لاۋرەاتى اتانىپ، ەڭبەكشى اۋدانى اكىمى «تۋعان ولكە» نوميناتسياسىمەن ماراپاتتاعانىن دا بىلەمىز.
«ەل قۇلاعى ەلۋ» دەمەكشى ءبىز ەلدەن ەستىپ، كوزبەن كورىپ، گازەت-جۋرنالدان وقىعانىمىزدى، تەلەارنادان كورىپ كوڭىلگە تۇيگەنىمىزدى ايتىپ وتىرمىز. قازاق حالقى «جاقسىنىڭ جاقسىلىعىن ايت، نۇرى تاسىسىن» دەگەندەي، وسىناۋ ەل اعالارىنىڭ حالىق الدىنداعى مىندەتىن بيىك قويىپ، ەتكەن ەڭبەگىن ناسيحاتتاۋىمىز كەرەك. كوپكە ۇلگى بولىپ جۇرگەن بايكەن ءاشىربايۇلىنىڭ جۇمىسىنا ساتتىلىك تىلەيمىز!
اسحات ءاسساندي
