قر ۇكىمەتىنىڭ قاۋلىسىمەن شولپان تاڭاتقىزى كارينوۆا قازاقستان رەسپۋبليكاسىنىڭ ءبىلىم جانە عىلىم ءبىرىنشى ۆيتسە-ءمينيسترى قىزمەتىنە تاعايىندالدى. بۇل تۋرالى قر پرەمەر-ءمينيسترىنىڭ ءباسپاسوز قىزمەتى ءمالىم ەتتى، دەپ حابارلايدى "ادىرنا" ۇلتتىق پورتالى.
شولپان كارينوۆا 1972 جىلى اقمولا وبلىسىندا دۇنيەگە كەلگەن. ش. ءۋاليحانوۆ اتىنداعى كوكشەتاۋ پەداگوگيكالىق ينستيتۋتىن، ومبى مەملەكەتتىك پەداگوگيكالىق ۋنيۆەرسيتەتىن بىتىرگەن.
ەڭبەك جولىن 1994 جىلى اۋىل مەكتەبىندە مۇعالىم بولىپ باستادى.
1998-1999 جىلدارى — ورىس ءتىلى مەن ادەبيەتى ءپانىنىڭ مۇعالىمى. 1999-2000 جىلدارى — ورىس سىنىپتارىندا قازاق ءتىلى ءپانىنىڭ مۇعالىمى.
2000-2002 جىلدارى — ديرەكتوردىڭ وقۋ-تاربيە جۇمىسى جونىندەگى ورىنباسارى.
2002-2003 جىلدارى كوكشەتاۋ مەديتسينالىق كوللەدجىندە وقىتۋشىلىق جانە اۋدارما قىزمەتىمەن اينالىسقان.
2003-2004 جىلدارى — سقو تايىنشا اۋدانى ءبىلىم جانە سپورت ءبولىمىنىڭ ادىسكەرى; وقۋ جۇمىسى بويىنشا بولىمشە باسشىسىنىڭ م. ا.
2004-2005 جىلدارى — سقو تايىنشا اۋدانى №5 ورتا مەكتەبىنىڭ ديرەكتورى.
2005-2008 جىلدارى — سقو تايىنشا اۋدانىنىڭ ءبىلىم بولىمىندە باسشىلىق لاۋازىمداردى اتقاردى.
2008-2009 جىلدارى — سقو تايىنشا قالاسى اكىمى اپپاراتىنىڭ قۇرىلىمدىق بولىمشەسىنىڭ باسشىسى.
2009-2012 جىلدارى — سقو ءبىلىم باسقارماسى باسشىسىنىڭ ورىنباسارى، پەتروپاۆل قالاسى.
2012-2013 جىلدارى — پەتروپاۆل قالاسى اكىمىنىڭ الەۋمەتتىك سالا جونىندەگى ورىنباسارى.
2013-2017 جىلدارى — سقو ءبىلىم باسقارماسى باسشىسىنىڭ م. ا.، باسشىسى، پەتروپاۆل قالاسى.
2017-2018 جىلدارى — قر بعم مەكتەپكە دەيىنگى جانە ورتا ءبىلىم دەپارتامەنتىنىڭ ديرەكتورى.
2018-2019 جىلدارى — استانا قالاسىنداعى "نازارباەۆ زياتكەرلىك مەكتەپتەرى" پەداگوگيكالىق شەبەرلىك ورتالىعى ديرەكتورىنىڭ ورىنباسارى.
2019 جىلعى تامىزدان باستاپ قازىرگى ۋاقىتقا دەيىن قر بعم ءبىلىم جانە عىلىم ۆيتسە-ءمينيسترى قىزمەتىن اتقاردى.
"ادىرنا" ۇلتتىق پورتالى
