قازاقستان پرەزيدەنتى نۇرسۇلتان نازارباەۆتىڭ اقش-قا رەسمي ساپارى اياسىندا اقش-تىڭ ىسكەر توپتارى وكىلدەرىمەن دوڭگەلەك ۇستەل وتكىزىلدى. وندا جالپى سوماسى 7 ميلليارد دوللاردان ارتىق سوماعا ينۆەستيتسيالىق جانە ساۋدا-ەكونوميكالىق ىنتىماقتاستىق تۋرالى 20-دان استام ەكىجاقتى ەكونوميكالىق قۇجاتقا قول قويىلدى، - دەپ حابارلايدى قر پرەمەر-ءمينيستردىڭ سايتى.
دوڭگەلەك ۇستەلدى قازاقستان رەسپۋبليكاسىنىڭ اقش-تاعى ەلشىلىگىنىڭ جانە "Kazakh Invest" ۇلتتىق كومپانياسىنىڭ قولداۋىمەن اقش-تىڭ ساۋدا پالاتاسى ۇيىمداستىردى. اقش-تىڭ ءىرى بيزنەس-كومپانيالارىنىڭ 50-دەن ارتىق وكىلدەرى كەزدەسۋگە قاتىستى.
"قازاقستان امەريكالىق بيزنەس ءۇشىن ۇلكەن الەۋەتكە يە، الەمنىڭ توتەنشە ماڭىزدى ايماعىندا ورنالاسقان", - دەپ اتاپ ءوتتى اقش-تىڭ ساۋدا پالاتاسىنىڭ توراعاسى توماس دونوحيۋ.
امەريكالىق كاپيتالدىڭ قاتىسۋىمەن جۇزەگە اسىرىلاتىن بىرلەسكەن جوبالار قازاقستان ەكونوميكاسىنىڭ ءارتۇرلى سالالارىن قامتيتىن بولادى. مىسالى، ءىس-شارالار بارىسىندا ينۆەستيتسيالىق جانە ساۋدا-ەكونوميكالىق ىنتاماقتاستىق تۋرالى، اۆياتسيالىق جانە عارىشتىق ونەركاسىپ سالاسىندا، اۋىلشارۋاشىلىعى، كولىك جانە ت.ب. سالاسىندا جەتەكشى امەريكالىق كومپانيالارمەن - Chevron Overseas, W. R. Grace&Co, GE Transportation Parts, Pfizer, John Deere, Amity Technology, Global Beef Investments جانە باسقالارىمەن كوممەرتسيالىق قۇجاتتارعا قول قويىلدى.
سونداي-اق مەملەكەت باسشىسىنىڭ ء"تورتىنشى ونەركاسىپتىك رەۆوليۋتسيا جاعدايىنداعى دامۋدىڭ جاڭا مۇمكىندىكتەرى" جولداۋىندا كورسەتىلگەن تاپسىرمالارعا سايكەس، رەسپۋبليكانىڭ ەكونوميكاسىن ساندىق باعىتقا كوشىرۋگە باعىتتالعان قۇجاتتارعا قول قويىلدى.
ولاردىڭ ىشىندە احقو، "يتپ" دكق جانە "IBM" اراسىنداعى Astana Startup HUB يت-تەحنوپاركىنىڭ بازاسىندا قارجىلىق تەحنولوگيالار بويىنشا ينكۋباتوردى قۇرۋ تۋرالى كەلىسىم، "يتپ" دكق جانە "Global Venture Alliance" اراسىنداعى ونەركاسىپتى سانداندىرۋ قورىن قۇرۋ تۋرالى كەلىسىم، سونداي-اق "GE Digital" جانە او "فنب "سامرۇق-قازىنا" ۇااق" اق اراسىنداعى تەمىجول كولىگىن، ەنەرگەتيكانى، مۇناي وڭدەۋدى جانە ەكونوميكانىڭ باسقا دا سەكتورلارىن سانداندىرۋ جونىندەگى جوبالاردى جۇزەگە اسىرۋ بويىنشا ستراتەگيالىق ارىپتەستىك تۋرالى كەلىسىم.
قازاقستان-امەريكا ساۋدا-ەكونوميكالىق جانە ينۆەستيتسيالىق قارىم-قاتىناستاردى ودان ءارى دامىتۋ، سونداي-اق ەكى ەلدىڭ ىسكەرلىك توپتارىن جاقىنداستىرۋعا ارنالعان ماڭىزدى ماسەلەلەردىڭ ءبىرى اقش-تىڭ ءىرى قارجىلىق ينستيتۋتتارىمەن جالپى سوماسى 3 ميلليارد دوللار بىرلەسكەن ينۆەستيتسيالىق جوبالاردى جانە ساۋدا وپەراتسيالارىن قارجىلاندىرۋ تۋرالى قۇجاتتارعا قول قويۋى بولدى.
ياعني، "Kazakh Invest" س.تۇياقباەۆ جانە "جەكە مەنشىك شەتەلدىك ينۆەستيتسيالار كورپوراتسياسى" قارجىلىق- كرەديتتىك اگەنتتىكتىڭ پرەزيدەنتى ر. ۋوشبورمەن OPIC تاراپىنان امەريكالىق كومپانيالاردىڭ قاتىسۋىمەن جوبالاردى قارجىلاندىرۋداعى ىنتىماقتاستىق تۋرالى مەموراندۋمعا قول قويىلدى، سونداي-اق Oppenheimer امەريكالىق قورىنىڭ باسقارۋشى ديرەكتورى پيتەر البانومەن بىرگە، قازاقستانداعى جوبالاردى قارجىلاندىرۋ نەمەسە ينۆەستيتسيا قۇيۋ ءۇشىن امەريكالىق قارجىلىق ينستيتۋتتاردى تارتۋ تۋرالى ءوزارا تۇسىنىستىك تۋرالى مەموراندۋمعا قول قويىلدى.
"قازاقستان نارىعى امەريكالىق ينۆەستورلار ءۇشىن IT جانە ينجينيرينگ، كولىك جانە لوگيستيكا، اۋىلشارۋاشىلىعى، ينفراقۇرىلىمدى دامىتۋ سالاسىنداعى ىنتىماقتاستىققا مۇددەلىلىگىنىڭ تارتىمدىلىعىن بىلدىرەتىن بولىپ سانالادى. ءوز كەزەگىندە، "Kazakh Invest" قر ۇكىمەتىنىڭ اتىنان بۇكىل ينۆەستيتسيالىق تسيكل بويىندا - يدەيادان ونى تولىقتاي جۇزەگە اسىرىلعانعا دەيىن قولدايتىن، سونداي-اق پوست-ينۆەستيتسيالىق قولداۋدى قامتاماسىز ەتەتىن شەتەلدىك ينۆەستورلارمەن بىردەن-ءبىر كەلىسسوزدەر جۇرگىزۋشى رەتىندە", - دەپ اتاپ ءوتتى، ءىس-شارالار قورىتىندىلارى بويىنشا ساپاربەك تۇياقباەۆ.
استاناداعىلار وسى ساپار ەكى ەل اراسىنداعى ىنتىماقتاستىقتى نىعايتادى دەپ سەنەدى. "ساپاردىڭ باستى ماقساتى جوعارى دەڭگەيدەگى سەنىمدىلىك قارىم-قاتىناسىمىزدى نىعايتىپ، استانا مەن ۆاشينگتون اراسىندا ءوزارا ارەكەتتەستىكتى بارلىق سپەكتر بويىنشا كەڭەيتىپ، ەكى جاقتى قارىم-قاتىناستى جاڭا دەڭگەيگە شىعارۋ", - دەدى قر ءسىم حالىقارالىق اقپارات كوميتەتىنىڭ باسشىسى تالعات جۇماعۇلوۆ.
سونداي-اق، كوميتەت باسشىسى ەكى ەل اراسىنداعى قازىرگى ىنتىماقتاستىقتىڭ تەرروريزممەن كۇرەسۋ، يادرولىق رەجيمدى الىپ تاستاۋعا جانە ساۋدا-ەكونوميكالىق قارىم-قاتىناستى كەڭەيتۋگە باعىتتالعانىن ايتىپ ءوتتى.
قازاقستان پرەزيدەنتى اقش-تىڭ رەسمي وكىلدەرىمەن كەزدەسۋ وتكىزەدى دەپ جوسپارلانعان. سونداي-اق، نازارباەۆتىڭ 18 قاڭتارعا بەلگىلەنگەن بۇۇ قاۋىپسىزدىك كەڭەسىنىڭ قارۋ قولدانۋدى جاپپاي جويۋعا ارنالعان بريفينگكە قاتىساتىنى ايتىلادى.
سونداي-اق، وسىعان دەيىن ساياساتتانۋشى ەرلان قارين نازارباەۆ پەن ترامپ كەزدەسۋىنىڭ ماڭىزدىلىعىن ايتقان ەدى. "يا، قازاقستان وڭىرلىك مەملەكەت بولىپ سانالادى، دەگەنمەن دە قازاقستان ءتۇرلى حالىقارالىق پىكىرتالاستارعا بەلسەندى تۇردە قاتىسىپ جاتىر. سوندىقتان دا ءبىزدىڭ پرەزيدەنتىمىزدىڭ امەريكا باسشىسىمەن كەزدەسۋى وسى ماسەلەنىڭ وزەكتىلىگىن ارتتىرۋعا مۇمكىندىك بەرەدى", - دەگەن ەدى ەرلان قارين.
tengrinews.kz
