Qazaqstan Prezidentı Nūrsūltan Nazarbaevtyŋ AQŞ-qa resmi sapary aiasynda AQŞ-tyŋ ısker toptary ökılderımen döŋgelek üstel ötkızıldı. Onda jalpy somasy 7 milliard dollardan artyq somaǧa investisiialyq jäne sauda-ekonomikalyq yntymaqtastyq turaly 20-dan astam ekıjaqty ekonomikalyq qūjatqa qol qoiyldy, - dep habarlaidy QR premer-ministrdıŋ saity.
Döŋgelek üsteldı Qazaqstan Respublikasynyŋ AQŞ-taǧy elşılıgınıŋ jäne "Kazakh Invest" ūlttyq kompaniiasynyŋ qoldauymen AQŞ-tyŋ Sauda palatasy ūiymdastyrdy. AQŞ-tyŋ ırı biznes-kompaniialarynyŋ 50-den artyq ökılderı kezdesuge qatysty.
"Qazaqstan amerikalyq biznes üşın ülken äleuetke ie, älemnıŋ tötenşe maŋyzdy aimaǧynda ornalasqan", - dep atap öttı AQŞ-tyŋ Sauda palatasynyŋ töraǧasy Tomas Donohiu.
Amerikalyq kapitaldyŋ qatysuymen jüzege asyrylatyn bırlesken jobalar Qazaqstan ekonomikasynyŋ ärtürlı salalaryn qamtityn bolady. Mysaly, ıs-şaralar barysynda investisiialyq jäne sauda-ekonomikalyq yntamaqtastyq turaly, aviasiialyq jäne ǧaryştyq önerkäsıp salasynda, auylşaruaşylyǧy, kölık jäne t.b. salasynda jetekşı amerikalyq kompaniialarmen - Chevron Overseas, W. R. Grace&Co, GE Transportation Parts, Pfizer, John Deere, Amity Technology, Global Beef Investments jäne basqalarymen kommersiialyq qūjattarǧa qol qoiyldy.
Sondai-aq Memleket basşysynyŋ "Törtınşı önerkäsıptık revoliusiia jaǧdaiyndaǧy damudyŋ jaŋa mümkındıkterı" Joldauynda körsetılgen tapsyrmalarǧa säikes, respublikanyŋ ekonomikasyn sandyq baǧytqa köşıruge baǧyttalǧan qūjattarǧa qol qoiyldy.
Olardyŋ ışınde AHQO, "İTP" DKQ jäne "IBM" arasyndaǧy Astana Startup HUB İT-tehnoparkınıŋ bazasynda qarjylyq tehnologiialar boiynşa inkubatordy qūru turaly kelısım, "İTP" DKQ jäne "Global Venture Alliance" arasyndaǧy önerkäsıptı sandandyru qoryn qūru turaly kelısım, sondai-aq "GE Digital" jäne AO "FNB "Samrūq-Qazyna" ŪÄAQ" AQ arasyndaǧy temıjol kölıgın, energetikany, mūnai öŋdeudı jäne ekonomikanyŋ basqa da sektorlaryn sandandyru jönındegı jobalardy jüzege asyru boiynşa strategiialyq ärıptestık turaly kelısım.
Qazaqstan-Amerika sauda-ekonomikalyq jäne investisiialyq qarym-qatynastardy odan ärı damytu, sondai-aq ekı eldıŋ ıskerlık toptaryn jaqyndastyruǧa arnalǧan maŋyzdy mäselelerdıŋ bırı AQŞ-tyŋ ırı qarjylyq instituttarymen jalpy somasy 3 milliard dollar bırlesken investisiialyq jobalardy jäne sauda operasiialaryn qarjylandyru turaly qūjattarǧa qol qoiuy boldy.
Iаǧni, "Kazakh Invest" S.Tūiaqbaev jäne "Jeke menşık şeteldık investisiialar korporasiiasy" qarjylyq- kredittık agenttıktıŋ Prezidentı R. Uoşbormen OPIC tarapynan amerikalyq kompaniialardyŋ qatysuymen jobalardy qarjylandyrudaǧy yntymaqtastyq turaly Memorandumǧa qol qoiyldy, sondai-aq Oppenheimer amerikalyq qorynyŋ basqaruşy direktory Piter Albanomen bırge, Qazaqstandaǧy jobalardy qarjylandyru nemese investisiia qūiu üşın amerikalyq qarjylyq instituttardy tartu turaly özara tüsınıstık turaly memorandumǧa qol qoiyldy.
"Qazaqstan naryǧy amerikalyq investorlar üşın IT jäne injiniring, kölık jäne logistika, auylşaruaşylyǧy, infraqūrylymdy damytu salasyndaǧy yntymaqtastyqqa müddelılıgınıŋ tartymdylyǧyn bıldıretın bolyp sanalady. Öz kezegınde, "Kazakh Invest" QR Ükımetınıŋ atynan bükıl investisiialyq sikl boiynda - ideiadan ony tolyqtai jüzege asyrylǧanǧa deiın qoldaityn, sondai-aq post-investisiialyq qoldaudy qamtamasyz etetın şeteldık investorlarmen bırden-bır kelıssözder jürgızuşı retınde", - dep atap öttı, ıs-şaralar qorytyndylary boiynşa Saparbek Tūiaqbaev.
Astanadaǧylar osy sapar ekı el arasyndaǧy yntymaqtastyqty nyǧaitady dep senedı. "Sapardyŋ basty maqsaty joǧary deŋgeidegı senımdılık qarym-qatynasymyzdy nyǧaityp, Astana men Vaşington arasynda özara ärekettestıktı barlyq spektr boiynşa keŋeitıp, ekı jaqty qarym-qatynasty jaŋa deŋgeige şyǧaru", - dedı QR SIM Halyqaralyq aqparat komitetınıŋ basşysy Talǧat Jūmaǧūlov.
Sondai-aq, Komitet basşysy ekı el arasyndaǧy qazırgı yntymaqtastyqtyŋ terrorizmmen küresu, iadrolyq rejimdı alyp tastauǧa jäne sauda-ekonomikalyq qarym-qatynasty keŋeituge baǧyttalǧanyn aityp öttı.
Qazaqstan Prezidentı AQŞ-tyŋ resmi ökılderımen kezdesu ötkızedı dep josparlanǧan. Sondai-aq, Nazarbaevtyŋ 18 qaŋtarǧa belgılengen BŪŪ Qauıpsızdık keŋesınıŋ qaru qoldanudy jappai joiuǧa arnalǧan brifingke qatysatyny aitylady.
Sondai-aq, osyǧan deiın saiasattanuşy Erlan Qarin Nazarbaev pen Tramp kezdesuınıŋ maŋyzdylyǧyn aitqan edı. "İä, Qazaqstan öŋırlık memleket bolyp sanalady, degenmen de Qazaqstan türlı halyqaralyq pıkırtalastarǧa belsendı türde qatysyp jatyr. Sondyqtan da bızdıŋ prezidentımızdıŋ Amerika basşysymen kezdesuı osy mäselenıŋ özektılıgın arttyruǧa mümkındık beredı", - degen edı Erlan Qarin.
tengrinews.kz
