ادامزاتقا اراشا تۇسكەندەر!
مىنا فوتوداعى نەمىس ازاماتىن تانيسىزدار ما دەسەم، ء"اي، كوپ نەمىستىڭ ءبىرى دە" دەپ كوڭىل اۋدارماسسىزدار. حيرۋرگ دەسەم، ء"ا،سانسىز دارىگەرلەردىڭ ءبىرى مە" دەرسىزدەر. ال ونىڭ نوبەل سىيلىعىنىڭ لاۋرەاتى، نەمىس، شۆەتسيا ۇلتتىق اكادەميالارىنىڭ التىن بەلگىلەرىنىڭ يەگەرى ەكەنىن ايتسام "و، وندا تەگىن دارىگەر بولمادى" دەپ قىزىعۋشىلىق تانىتاتىندارىڭىز حاق.
ءيا، بۇل XX ع.باسىندا ءوز باسىن قاتەرگە تىگىپ، قازىرگى كەزدە ميلليونداعان ادامنىڭ ءومىرىن ساقتاپ قالىپ جۇرگەن ،،جۇرەكتى كاتەريزاتسيالاۋ" مەتوديكاسىن ەنگىزگەن گۋتەنبەرگ ۋنيۆەرسيتەتىنىڭ پروفەسسورى، حيرۋرگ-ۋرولوگ ۆەرنەر فورسمان. ول دۇنيە ءجۇزى كارديولوگتارى جۇرەككە وزگە زات ەنسە ول سوعۋىن توقتاتادى، ياعني ادام ولەدى دەگەن سەنىمدە جۇرگەن كەزدە، ەكسپەريمەنتتى وزىنە جاساۋعا شەشىم قابىلدايدى. بىراق، بۇل تەك ولىمگە اكەلىپ سوقتىرادى دەگەن كوللەگالارى قورقىپ، ەشقايسىسى كەلىسپەي، وزىنە ءوزى جاساۋعا تۋرا كەلەدى. تىپتەن وپەراتسيا باستالعاننان كەيىن اسسيسەنتى دە شىداماي، كەتىپ قالىپ، جالعىز مەدبيكەمەن اياقتاۋعا ءماجبۇر بولادى. ول ءبىر بىلەگىندەگى ۆەناسىن كەسىپ، تامىرىنا تۇتىكشە ورناتادى دا، سول ارقىلى جۇرەگىنىڭ وڭ جاق بولىگىنە زوند جىبەرەدى. رەنگتگەن ارقىلى ونىڭ جۇرەككە جەتكەنىن كورىپ، كاتەريزاتسيالاۋدىڭ مۇمكىن ەكەندىگىن دالەلدەيدى.
وزگە ادامداردى اجالدان اراشالاۋدىڭ جولىن تابۋ ءۇشىن ءوز باستارىن بايگەگە تىككەن بۇنداي تۇلعالارعا قالايشا باس يمەسسىڭ!
رامازان اجنيازوۆتىڭ
فەيسبۋك پاراقشاسىنان
