حالىقارالىق سوت ءىسىن جۇرگىزۋ تاجىريبەسىن پوليتسيا باسشىلارى وقيدى

2147
Adyrna.kz Telegram

2021 جىلدىڭ 09 قىركۇيەگىندە قازاقستان رەسپۋبليكاسى ءىىم ماقان ەسبولاتوۆ اتىنداعى الماتى اكادەمياسىنىڭ باستىعى پوليتسيا پولكوۆنيگى ايدار سايتبەكوۆ "استانا" حالىقارالىق قارجى ورتالىعى اكادەميالىق كەڭەسىنىڭ مۇشەسى، قر ۇعا قۇرمەتتى اكادەميگى، زاڭ عىلىمدارىنىڭ دوكتورى، پروفەسسور باقىتجان ابدىرايىممەن كەزدەستى.

ءىىم جۇيەسىندە جۇرگىزىلىپ جاتقان جاڭعىرتۋدىڭ اياسىندا اتالمىش ورگاننىڭ قىزمەتكەرلەرىنىڭ بارلىق ساناتتارىن – قاتارداعى قىزمەتكەردەن باستاپ جوعارى باسشى قۇرامعا دەيىن دايارلاۋدىڭ پراكتيكاعا سۇيەنگەن باعدارلامالارىن ەنگىزۋ ارقىلى قىزمەتكەرلەردى دايارلاۋدا ۇزدىكسىزدىك قاعيداتى ىسكە اسىرىلادى.
قازاقستان رەسپۋبليكاسى ءىىم الماتى اكادەمياسىندا ىشكى ىستەر ءمينيسترىنىڭ باستاماسى بويىنشا ىشكى ىستەر ورگاندارىنىڭ باسشى قۇرامىن دايىندايتىن №1 جانە № 2 فاكۋلتەتتەر قۇرىلعانى بەلگىلى.
ازاماتتىق جانە كوممەرتسيالىق داۋلاردى شەشۋگە، سونداي-اق انگليا زاڭناماسىن، انگليا مەن ۋەلستىڭ وڭ جۇيەسىنىڭ قاعيداتتارىن، نورمالارى مەن پرەتسەدەنتتەرىن پايدالانۋعا بايلانىستى "استانا" حالىقارالىق قارجى ورتالىعىنىڭ تاجىريبەسى مەن جيناقتالعان ءبىلىمى ىشكى ىستەر ورگاندارىنىڭ باسشىلارى ءۇشىن ءوز قىزمەتىندە پايدالى بولۋى مۇمكىن.
الماتى اكادەمياسى مەن Bureaufor Continuing Professional Development Ltd باسشىلىعىنىڭ بۇگىنگى كەزدەسۋى - وزىق حالىقارالىق تاجىريبە قاعيداتتارى نەگىزىندە ۇزدىكسىز كاسىبي دامۋدىڭ تيىمدىلىگىن ارتتىرۋ ءۇشىن، ارى قارايعى ىنتىماقتاستىقتى ارتتىرۋدىڭ نەگىزى بولىپ تابىلادى.


كەزدەسۋ بارىسىندا Bureaufor Continuing Professional Development Ltd جانە قازاقستان رەسپۋبليكاسى ءىىم ماقان ەسبولاتوۆ اتىنداعى الماتى اكادەمياسى اراسىندا كاسىبي قوعامداستىقتاردى دامىتۋ، قالىپتاستىرۋ جانە قولداۋ ءۇشىن تۇعىرنامانى نىعايتۋ، كاسىپقويلار اراسىنداعى قولجەتىمدى تاجىريبە مەن اشىق ديالوگ ماقساتىندا ىنتىماقتاستىق تۋرالى مەموراندۋمعا قول قويىلدى.
بۇل ءىس-شارا بىرقاتار ماڭىزدى جوبالاردى ودان ءارى دامىتۋ مەن ىسكە اسىرۋداعى ماڭىزدى قادام بولىپ تابىلادى!

پىكىرلەر