شىمشاھارداعى بارلىق مەكتەپتەردە قىركۇيەك ايىندا ەل تاۋەلسىزدىگىنىڭ 30 جىلدىعىنا وراي «تاۋەلسىزدىك جەتىستىگى» تاقىرىبىندا سىنىپ ساعاتى مەن اشىق ساباقتار وتكىزىلەدى. ۇرپاق ساناسىنا ەگەمەندىك جىلداردىڭ قاسيەتىن تۇسىندىرەر جوبا اياسىنداعى تاربيە ساعاتى جالپى ءبىلىم بەرەتىن №137 ورتا مەكتەبىندە باستاۋ الدى.
ءىس-شارانىڭ باستى ماقساتى – تاۋەلسىزدىكتىڭ 30 جىلدىق مەرەيتويىنىڭ ماڭىزدىلىعىن جانە تۇڭعىش پرەزيدەنت – ەلباسى نۇرسۇلتان نازارباەۆتىڭ تاۋەلسىز مەملەكەتتىڭ قالىپتاسۋى مەن دامۋى جولىندا اتقارعان ەڭبەگىن جاس ۇرپاققا جەتكىزۋ.
اشىق ساباققا تەك وقۋشى مەن ۇستازدار عانا قاتىسپاي، قالانىڭ قالىپتاسۋىنا جانە ايماقتىڭ دامۋىنا ۇلەس قوسقان زيالى قاۋىم وكىلدەرى ارنايى شاقىرىلعان. جيىنعا ارداگەر ۇستاز نىشانبەك بايعۇتوۆ، «شىمكەنت قالاسىنىڭ ايەلدەر كەڭەسى» قوعامدىق بىرلەستىگىنىڭ ءتورايىمى بايان جاندوسوۆا، قالالىق وقۋ-ادىستەمەلىك ورتالىعىنىڭ ديرەكتورى مەرۋەرت اسقاربەكقىزى قاتىستى.
تاۋەلسىزدىكتىڭ جەتىستىكتەرىن جەتە تۇسىنگەن جاس بۋىن، كەزدەسۋگە كەلگەن قوناقتارعا سۇراقتار قويىپ، ەلىمىزدىڭ وتكەنى مەن بۇگىنى جايىندا قىزۋ پىكىرتالاس ۇيىمداستىردى. سىنىپ ساعاتىندا وقۋشىلارعا ەل تاۋەلسىزدىگىنىڭ 30 جىل ىشىندە قول جەتكەن جەتىستىكتەرى، وسى جولداعى ەلباسىنىڭ سارابدال ساياساتىنىڭ جەمىسى، ەلىمىزدىڭ ساياسي-الەۋمەتتىك احۋالى، ءبىلىم مەن مادەنيەت، تاريح، رۋحاني قۇندىلىقتار، ەل بىرلىگى مەن تىنىشتىعى تۋرالى كەلەلى سوزدەر ايتىلدى. ءىس-شارادا وقۋشىلار ونەرىن ورتاعا سالدى. ءبىرى اقىن-جازۋشىلاردىڭ ولەڭىن جاتقا وقىسا، ەندى ءبىرى دومبىرامەن ءان شىرقادى.
