اتىراۋ وبلىسى اكىمى ماحامبەت دوسمۇحامبەتوۆ يندەر كەنتى تۇرعىندارىنا 80 پاتەرلىك بەس قاباتتى تۇرعىن ءۇيدىڭ كىلتىن ەل تاۋەلسىزدىگىنىڭ 30 جىلدىق مەرەكەسى اياسىندا تابىس ەتتى.
«كوكتەم» مولتەك اۋدانىنىڭ 11 ۋچاستىگىنەن سالىنعان 80 پاتەرلىك بەس قاباتتى ۇيدەن باسپانالى بولعان اۋدان تۇرعىندارى اتا-انا قامقورلىعىنسىز قالعان، كوپ بالالى، جالعىزباستى انالار سونداي-اق، مۇمكىندىگى شەكتەۋلى جاندار سەكىلدى الەۋمەتتىك ءالجۋاز توپتاعى ازاماتتار.
پاتەر كىلتىن العانداردىڭ ءبىرى، كوپ بالالى انا لاريسا قايروشەۆا ءۇي كەزەگىندە التى جىلدان بەرى تۇرعان.
«ءبىز ءبىر ۇيدە ءۇش كەلىن بىرگە تۇرىپ كەلگەنبىز. ارقايسىمىزدىڭ بالا-شاعامىز بار، ءۇي تارلىق ەتىپ كەلگەن ەدى. مىنە، كوپتەن كۇتكەن قۋانىشىمىزعا قول جەتكىزىپ تۇرمىز. وبلىس اكىمىنە، وسى ءۇي سالۋعا ەڭبەگى سىڭگەن وزگە دە ازاماتتارعا العىسىمدى ايتامىن. حالىقتى قۋانتىپ جاتقان يگى ىستەر جالعاسىن تابا بەرسىن!»،-دەدى ول.
ايماق باسشىسى ماحامبەت دوسمۇحامبەتوۆ يندەر اۋدانىندا نۇرلى جەر باعدارلاماسىمەن كوپقاباتتى 7 تۇرعىن ءۇي سالىنۋدا ەكەنىن، بۇل 432 وتباسىعا باسپانا بولاتىنىن ايتتى. سولاردىڭ العاشقى 80 پاتەرى تاپسىرىلدى.
«يندەر اۋدانى بۇگىنگى تاڭدا جوعارى قارقىنمەن دامىپ كەلە جاتىر. بۇگىنگى شارا سونىڭ ءبىر ايعاعى. بۇل سىزدەر ءۇش ەل تاۋەلسىزدىگىنىڭ 30 جىلدىق مەرەكەسى اياسىندا ەرەكشە تارتۋ بولماق. ودان بولەك جىل سوڭىنا دەيىن تاعى 4 ءۇيدى پايدالانۋعا بەرۋ جوسپارلانۋدا. سول ارقىلى 192 وتباسى قونىس تويىن تويلايدى»،-دەدى وبلىس اكىمى.
سونداي-اق، ايماق باسشىسى الداعى جىلدارى كوكتەم مولتەك اۋدانىنىڭ 11 ۋچاستىگى جاڭا سەرپىنمەن دامىتۋ جوسپارلانىپ وتىرعانىن اتاپ ءوتتى. ءوڭىر باسشىسى مۇندا بولاشاقتا كوپقاباتتى ۇيلەرمەن قاتار الەۋمەتتىك نىساندار سالۋ قاراستىرىلىپتى. اتاپ ايتقاندا 900 ورىندىق مەكتەپ، 250 ورىندىق بالاباقشا. 100 ورىندىق ەمحانا مەن 320 ورىندىق دەنە شىنىقتىرۋ-ساۋىقتىرۋ كەشەنى سالىنباق.
«يندەر اۋدانىن كوركەيتۋ جۇمىستارى جالعاسىن تابادى. جالپى پرەزيدەنتىمىزدىڭ تاپسىرماسى بويىنشا كوپتەگەن يگىلىكتى ءىس جۇزەگە اسىرىلۋدا. ءاربىر مەملەكەتتىك باعدارلاما تۇرعىندارىمىزدىڭ جايلى ءومىر سۇرۋىنە باعىتتالعان. ولاردىڭ تۇپكى ماقساتى ازاماتتارىمىزدىڭ ءال-اۋقاتىن ارتتىرۋ»،-دەدى م.دوسمۇحامبەتوۆ.
اتالعان شارادان سوڭ وبلىس اكىمى اۋدانداعى ماڭىزدى نىسانداردى ارالاپ، اۋداننىڭ بىرنەشە قوعام بەلسەندىلەرىمەن كەزدەستى.
