بۇگىن شىمكەنت قالاسىنىڭ اكىمى مۇرات ايتەنوۆ قالالىق مەملەكەتتىك ەڭبەك ينسپەكتسياسى باسقارماسىنىڭ باسشىسى باۋىرجان قالجانوۆتىڭ ءبىرىنشى جارتىجىلدىقتا اتقارعان جۇمىستارى بويىنشا ەسەبىن تىڭدادى. باسقارما باسشىسى ەسەپتى كەزەڭدە بىرىڭعاي اقپارات ورتالىعى ارقىلى ەڭبەك قاتىناستارى، وندىرىستىك قاۋىپسىزدىك سالاسىنا قاتىستى 23 حابارلاما ءتۇسىپ، بارلىعى مەرزىمىندە ورىندالعان. سونىمەن بىرگە وسى ۋاقىت ىشىندە جالپى 584 ارىز-شاعىمدار مەن تۇسىندىرمە بەرۋ جونىندە وتىنىشتەر قارالىپ، ءتيىستى جاۋاپتار بەرىلگەن.
«مەملەكەتتىك ەڭبەك ينسپەكتورلارىمەن 104 تەكسەرۋ جۇرگىزىلىپ، 182 زاڭبۇزۋشىلىق انىقتالىپ، 68 نۇسقاما بەرىلگەن. تەكسەرۋ ناتيجەلەرىمەن 4,5 ملن. تەڭگە كولەمىندە 25 اكىمشىلىك ايىپپۇل سالىنىپ، 21 قوزعالعان اكىمشىلىك ءىس بويىنشا 2,9 ملن. تەڭگە ايىپپۇل وندىرىلگەن. بىرقاتارى مەرزىمى كەلمەۋىنە بايلانىستى باقىلاۋدا»،-دەدى باۋىرجان قالجانوۆ. ەسەپتى كەزەڭدە ءوڭىرىمىز بويىنشا 5 كاسىپورىندا 90 جۇمىسكەرگە 15 ملن. تەڭگە جالاقى قارىزى بار ەكەنىن بايانداعان باسقارما باسشىسى بۇل بويىنشا ءتيىستى جۇمىستار جۇرگىزىلىپ جاتقانىن اتاپ ءوتتى.
ودان بولەك، باسقارمانىڭ مەملەكەتتىك ەڭبەك ينسپەكتورىمەن اتقارىلعان جۇمىستار ناتيجەسىندە جىل باسىنان بەرى 35 كاسىپورىنداعى 1960 جۇمىسكەردىڭ 166,5 ملن. تەڭگە كولەمىندە جالاقى قارىزدارى وتەلىپ، جۇمىسكەرلەردىڭ الەۋمەتتىك قۇقىقتارى قورعالعان. ەڭبەك ينسپەكتسياسى باسقارماسىنىڭ التى ايدا اتقارعان جۇمىستارىن تىڭداعان قالا اكىمى ينديكاتورلاردىڭ ورىندالۋىن قاداعالاۋدى تاپسىردى. ءاربىر ەڭبەك ەتۋشى ءوزىنىڭ قورعاۋشىسى بار ەكەنىن سەزىنۋى ءۇشىن باسقارمانىڭ ستاتۋسىمەن، تانىمالدىلىعىن ارتتىرۋ قاجەت ەكەنىن نازارعا الدى.«ەڭبەگى قورعالماعان ادام كىمگە شاعىمداناتىنىن ءبىلۋى كەرەك. شاعىم شەشىمىن تاۋىپ جاتۋى ءتيىس. بۇل پروتسەس جارنامالانىپ وتىرۋى كەرەك. قىسقاشا، حالىق بۇل باسقارمانى تانۋى قاجەت. ياعني، مەجە بەلگىلى بولماي، كەز كەلگەن جۇمىستا جۇيە بولمايدى»،-دەدى قالا اكىمى.
ەڭبەكتى قورعاۋدا حالىقارالىق تاجىريبەلەردى زەردەلەپ، وڭ ۇردىستەرىن بىزدە قولدانۋ بويىنشا قالا اكىمىنىڭ بەرگەن تاپسىرماسىنا سايكەس ەۋرووداق، اقش، جاپونيا ەلدەرىنىڭ تاجىريبەلەرى زەردەلەنىپتى. وسىنىڭ نەگىزىندە جۇمىسشىلاردىڭ ەڭبەك قۇقىقتارىن قامتاماسىز ەتۋگە باعىتتالعان بارلىق حابارلامالاردى ەسكەرۋ بويىنشا جوبا ىسكە قوسىلدى. ۇقساس جوبا اقش - دا ءتيىمدى ىسكە اسىرىلىپ كەلەدى. وسى ماقساتتا مەملەكەتتىك ەڭبەك ينسپەكتسياسى باسقارماسى جانە شىمكەنت قالاسىنىڭ سيتۋاتسيالىق ورتالىعىنىڭ اراسىندا مەموراندۋم ءتۇزىلدى. مەموراندۋم تۇزىلگەننەن كەيىن سيتۋاتسيالىق ورتالىقتان 7 حابارلاما ءتۇستى، ونىڭ ۇشەۋى انونيم.
