Şymkentte 2 myŋǧa juyq jūmyskerdıŋ jalaqy qaryzy öteldı

Bügın Şymkent qalasynyŋ äkımı Mūrat Äitenov qalalyq memlekettık eŋbek inspeksiiasy basqarmasynyŋ basşysy Bauyrjan Qaljanovtyŋ bırınşı jartyjyldyqta atqarǧan jūmystary boiynşa esebın tyŋdady. Basqarma basşysy eseptı kezeŋde bıryŋǧai aqparat ortalyǧy arqyly eŋbek qatynastary, öndırıstık qauıpsızdık salasyna qatysty 23 habarlama tüsıp, barlyǧy merzımınde oryndalǧan. Sonymen bırge osy uaqyt ışınde jalpy 584 aryz-şaǧymdar men tüsındırme beru jönınde ötınışter qaralyp, tiıstı jauaptar berılgen.

«Memlekettık eŋbek inspektorlarymen 104 tekseru jürgızılıp, 182 zaŋbūzuşylyq anyqtalyp, 68 nūsqama berılgen. Tekseru nätijelerımen 4,5 mln. teŋge kölemınde 25 äkımşılık aiyppūl salynyp, 21 qozǧalǧan äkımşılık ıs boiynşa 2,9 mln. teŋge aiyppūl öndırılgen. Bırqatary merzımı kelmeuıne bailanysty baqylauda»,-dedı Bauyrjan Qaljanov. Eseptı kezeŋde öŋırımız boiynşa 5 käsıporynda 90 jūmyskerge 15 mln. teŋge jalaqy qaryzy bar ekenın baiandaǧan basqarma basşysy būl boiynşa tiıstı jūmystar jürgızılıp jatqanyn atap öttı. Odan bölek, Basqarmanyŋ memlekettık eŋbek inspektorymen atqarylǧan jūmystar nätijesınde jyl basynan berı 35 käsıporyndaǧy 1960 jūmyskerdıŋ 166,5 mln. teŋge kölemınde jalaqy qaryzdary ötelıp, jūmyskerlerdıŋ äleumettık qūqyqtary qorǧalǧan. Eŋbek inspeksiiasy basqarmasynyŋ alty aida atqarǧan jūmystaryn tyŋdaǧan qala äkımı indikatorlardyŋ oryndaluyn qadaǧalaudy tapsyrdy. Ärbır eŋbek etuşı özınıŋ qorǧauşysy bar ekenın sezınuı üşın basqarmanyŋ statusymen, tanymaldylyǧyn arttyru qajet ekenın nazarǧa aldy.«Eŋbegı qorǧalmaǧan adam kımge şaǧymdanatynyn bıluı kerek. Şaǧym şeşımın tauyp jatuy tiıs. Būl proses jarnamalanyp otyruy kerek. Qysqaşa, halyq būl basqarmany tanuy qajet. Iаǧni, meje belgılı bolmai, kez kelgen jūmysta jüie bolmaidy»,-dedı qala äkımı. Eŋbektı qorǧauda halyqaralyq täjıribelerdı zerdelep, oŋ ürdısterın bızde qoldanu boiynşa qala äkımınıŋ bergen tapsyrmasyna säikes Euroodaq, AQŞ, Japoniia elderınıŋ täjıribelerı zerdelenıptı. Osynyŋ negızınde jūmysşylardyŋ eŋbek qūqyqtaryn qamtamasyz etuge baǧyttalǧan barlyq habarlamalardy eskeru boiynşa joba ıske qosyldy. Ūqsas joba AQŞ - da tiımdı ıske asyrylyp keledı. Osy maqsatta Memlekettık eŋbek inspeksiiasy basqarmasy jäne Şymkent qalasynyŋ situasiialyq ortalyǧynyŋ arasynda memorandum tüzıldı. Memorandum tüzılgennen keiın Situasiialyq ortalyqtan 7 habarlama tüstı, onyŋ üşeuı anonim.