قالا اكىمى مۇرات ايتەنوۆ ونلاين فورماتتا ازاماتتاردى جەكە ماسەلەلەرى بويىنشا قابىلدادى. وندا تۇرعىندار ينفراقۇرىلىم، جەر، تۇرعىن ءۇي مەن اسفالت سالۋ، قوعامدىق كولىك جانە كوشەنى جارىقتاردىرۋ جۇمىستارى سەكىلدى ءتۇرلى ماسەلەلەرىن ورتاعا سالدى. سولاردىڭ ءبىرى قالا تۇرعىنى امانگەلدى اقشوراەۆ. قالا اكىمىنە ىنتىماق-2 شاعىن اۋدانىنىڭ گاز، سۋ، كوشەنى جارىقتاندىرۋ جانە اسفالتتاۋ جايىن بايانداپ، اتالعان شاعىناۋداننىڭ ينفراقۇرىلىم ماسەلەسىن شەشىپ بەرۋدى سۇرادى.
تۇرعىننىڭ ساۋالىن تىڭداعان قالا باسشىسى گاز ماسەلەسى اگرس-3 نىسانى ىسكە قوسىلعاننان كەيىن، اۋىز سۋ مەن ەلەكتر جارىعىنىڭ قۇرىلىس جۇمىستارى 2021 جىلدىڭ سوڭىندا اياقتالىپ، تولىققاندى ساپالى اۋىز سۋمەن جانە ەلەكتر جارىعىمەن قامتىلاتىنىن ايتتى. «ال جول ماسەلەسى شاعىن اۋدانعا اۋىز سۋ جانە ەلەكتر جارىعىنىڭ قۇرىلىس جۇمىستارى اياقتالعان سوڭ شەشىلەدى. اۋىز سۋ جۇيەلەرىن جۇرگىزۋ بارىسىندا قازىلعان 22 كوشەگە شاعال تاس توسەۋ جۇمىستارىن مەردىگەر مەكەمە «اسفالت» جشس جۇرگىزۋدە. ءسىزدىڭ كوشەڭىز اتالعان تىزىمگە ەنگىزىلگەن. تاس توسەۋ جۇمىستارى جىل سوڭىنا دەيىن جۇرگىزىلەتىن بولادى»،-دەدى مۇرات ايتەنوۆ.ءوز ماسەلەسىمەن كەلگەن تۇرعىننىڭ ءبىرى ماقسات سارسەنباەۆ مۇمكىندىگى شەكتەۋلى ازاماتتارعا ارنالعان اربالار بويىنشا يننوۆاتسيالىق جوبالار مەن قايتارىمسىز گرانت الۋ ماسەلەسىن كوتەردى. ماقسات ساركەنباەۆتىڭ ساۋالىنا جاۋاپ بەرگەن قالا اكىمى «ەڭبەك» مەملەكەتتىك باعدارلاماسى شەڭبەرىندە جاڭا بيزنەس-يدەيالاردى ىسكە اسىرۋعا ارنالعان مەملەكەتتىك گرانتقا (200 اەك), الداعى ۋاقىتتا قوسىمشا قارجى بولىنگەن جاعدايدا، قۇجاتتارىن تاپسىرا الاتىنىن ايتتى. قابىلداۋعا جازىلعان 10-عا جۋىق ازاماتتىڭ وتىنىشتەرىن ەگجەي-تەگجەيلى تالداعان قالا اكىمى كوتەرىلگەن ساۋالدارعا بايلانىستى زەردەلەۋ جۇمىستارىن جۇرگىزىپ، ءتيىستى شارالار زاڭ اياسىندا قابىلداۋدى سالا باسشىلارىنا تاپسىرىپ، بىرقاتار مىندەتتەر جۇكتەپ، ورىندالۋ بارىسى ءوز باقىلاۋىندا بولاتىنىن جەتكىزدى.
