Qala ákimi Murat Áıtenov onlaın formatta azamattardy jeke máseleleri boıynsha qabyldady. Onda turǵyndar ınfraqurylym, jer, turǵyn úı men asfalt salý, qoǵamdyq kólik jáne kósheni jaryqtardyrý jumystary sekildi túrli máselelerin ortaǵa saldy. Solardyń biri qala turǵyny Amangeldi Aqshoraev. Qala ákimine Yntymaq-2 shaǵyn aýdanynyń gaz, sý, kósheni jaryqtandyrý jáne asfalttaý jaıyn baıandap, atalǵan shaǵynaýdannyń ınfraqurylym máselesin sheship berýdi surady.
Turǵynnyń saýalyn tyńdaǵan qala basshysy gaz máselesi AGRS-3 nysany iske qosylǵannan keıin, aýyz sý men elektr jaryǵynyń qurylys jumystary 2021 jyldyń sońynda aıaqtalyp, tolyqqandy sapaly aýyz sýmen jáne elektr jaryǵymen qamtylatynyn aıtty. «Al jol máselesi shaǵyn aýdanǵa aýyz sý jáne elektr jaryǵynyń qurylys jumystary aıaqtalǵan soń sheshiledi. Aýyz sý júıelerin júrgizý barysynda qazylǵan 22 kóshege shaǵal tas tóseý jumystaryn merdiger mekeme «Asfalt» JShS júrgizýde. Sizdiń kósheńiz atalǵan tizimge engizilgen. Tas tóseý jumystary jyl sońyna deıin júrgiziletin bolady»,-dedi Murat Áıtenov.Óz máselesimen kelgen turǵynnyń biri Maqsat Sarsenbaev múmkindigi shekteýli azamattarǵa arnalǵan arbalar boıynsha ınnovaııalyq jobalar men qaıtarymsyz grant alý máselesin kóterdi. Maqsat Sarkenbaevtiń saýalyna jaýap bergen qala ákimi «Eńbek» memlekettik baǵdarlamasy sheńberinde jańa bıznes-ıdeıalardy iske asyrýǵa arnalǵan memlekettik grantqa (200 AEK), aldaǵy ýaqytta qosymsha qarjy bólingen jaǵdaıda, qujattaryn tapsyra alatynyn aıtty. Qabyldaýǵa jazylǵan 10-ǵa jýyq azamattyń ótinishterin egjeı-tegjeıli taldaǵan qala ákimi kóterilgen saýaldarǵa baılanysty zerdeleý jumystaryn júrgizip, tıisti sharalar zań aıasynda qabyldaýdy sala basshylaryna tapsyryp, birqatar mindetter júktep, oryndalý barysy óz baqylaýynda bolatynyn jetkizdi.
