Qala äkımı azamattardy onlain rejimde qabyldady

Qala äkımı Mūrat Äitenov onlain formatta azamattardy jeke mäselelerı boiynşa qabyldady. Onda tūrǧyndar infraqūrylym, jer, tūrǧyn üi men asfalt salu, qoǧamdyq kölık jäne köşenı jaryqtardyru jūmystary sekıldı türlı mäselelerın ortaǧa saldy. Solardyŋ bırı qala tūrǧyny Amangeldı Aqşoraev. Qala äkımıne Yntymaq-2 şaǧyn audanynyŋ gaz, su, köşenı jaryqtandyru jäne asfalttau jaiyn baiandap, atalǧan şaǧynaudannyŋ infraqūrylym mäselesın şeşıp berudı sūrady. Tūrǧynnyŋ saualyn tyŋdaǧan qala basşysy gaz mäselesı AGRS-3 nysany ıske qosylǧannan keiın, auyz su men elektr jaryǧynyŋ qūrylys jūmystary 2021 jyldyŋ soŋynda aiaqtalyp, tolyqqandy sapaly auyz sumen jäne elektr jaryǧymen qamtylatynyn aitty.  «Al jol mäselesı şaǧyn audanǧa auyz su jäne elektr jaryǧynyŋ qūrylys jūmystary aiaqtalǧan soŋ şeşıledı. Auyz su jüielerın jürgızu barysynda qazylǧan 22 köşege şaǧal tas töseu jūmystaryn merdıger mekeme «Asfalt» JŞS jürgızude. Sızdıŋ köşeŋız atalǧan tızımge engızılgen. Tas töseu jūmystary jyl soŋyna deiın jürgızıletın bolady»,-dedı Mūrat Äitenov.Öz mäselesımen kelgen tūrǧynnyŋ bırı Maqsat Sarsenbaev mümkındıgı şekteulı azamattarǧa arnalǧan arbalar boiynşa innovasiialyq jobalar men qaitarymsyz grant alu mäselesın köterdı. Maqsat Sarkenbaevtıŋ saualyna jauap bergen qala äkımı «Eŋbek» memlekettık baǧdarlamasy şeŋberınde jaŋa biznes-ideialardy ıske asyruǧa arnalǧan memlekettık grantqa (200 AEK),  aldaǧy uaqytta qosymşa qarjy bölıngen jaǧdaida, qūjattaryn tapsyra alatynyn aitty. Qabyldauǧa jazylǧan 10-ǧa juyq azamattyŋ ötınışterın egjei-tegjeilı taldaǧan qala äkımı köterılgen saualdarǧa bailanysty zerdeleu jūmystaryn jürgızıp, tiıstı şaralar zaŋ aiasynda qabyldaudy sala basşylaryna tapsyryp,  bırqatar mındetter jüktep, oryndalu barysy öz baqylauynda bolatynyn jetkızdı.