مەملەكەت باسشىسىنىڭ جارلىعىمەن نۇرلان اسقارۇلى نوعاەۆ ماڭعىستاۋ وبلىسىنىڭ اكىمى بولىپ تاعايىندالىپ، قازاقستان رەسپۋبليكاسىنىڭ ەنەرگەتيكا ءمينيسترى لاۋازىمىنان بوساتىلدى، دەپ حابارلايدى "ادىرنا" ۇلتتىق پورتالى اقوردانىڭ ءباسپاسوز قىزمەتىنە سىلتەمە جاساپ.
- نۇرلان اسقارۇلى نوعاەۆ ماڭعىستاۋ وبلىسىنىڭ اكىمى بولىپ تاعايىندالسىن، ول قازاقستان رەسپۋبليكاسىنىڭ ەنەرگەتيكا ءمينيسترى لاۋازىمىنان بوساتىلسىن، دەلىنگەن قۇجاتتا.
نوعاەۆ نۇرلان اسقارۇلى 1967 جىلى تۋعان. ءبىلىمى جوعارى، ي.گۋبكين اتىنداعى ماسكەۋ مەملەكەتتىك مۇناي جانە گاز اكادەمياسىن، قازاق مەملەكەتتىك باسقارۋ اكادەمياسىن، رەسەي سىرتقى ىستەر مينيسترلىگى جانىنداعى "حالىقارالىق قاتىناستار ۋنيۆەرسيتەتى" ماسكەۋ مەملەكەتتىك ينستيتۋتىن تاۋ-كەن ينجەنەرى، ەكونوميست، حالىقارالىق قاتىناستار مامانى، اكىمشىلىك ىسكەرلىك جونىندەگى شەبەر ماماندىقتارى بويىنشا ءبىتىرىپ شىققان.
ەڭبەك جولىن اقتوبە وبلىسى، قاندىاعاش ستانتسياسىندا ەلەكتر شەبەرى بولىپ باستاعان.
1993-1995 ج.ج. - ماسكەۋ قالاسىنداعى "گيلي-پاسكەر" جشس-دە مۇناي ونىمدەرى جونىندەگى اعا ساراپشى، ءبولىم باستىعى، باس ديرەكتور.
1995-1996 ج.ج. - الماتى قالاسىنداعى "وترار لتد" شاعىن كاسىپورنى باس ديرەكتورىنىڭ ورىنباسارى.
1996-2006 ج.ج. - "قازاقتۇرىكمۇناي" جشس-دە ينجەنەر، باس ديرەكتور.
2006 جىلدىڭ اقپان ايىنان تامىز ايىنا دەيىن - "قازمۇنايگاز ۇلتتىق كومپانياسى" اق-نىڭ اتقارۋشى ديرەكتورى.
2006 جىلدىڭ تامىز ايىنان قر ەنەرگەتيكا جانە مينەرالدى رەسۋرستار مينيسترلىگى مۇناي ونەركاسىبى دەپارتامەنتىنىڭ ديرەكتورى بولىپ ىستەگەن.
2007 جىلدىڭ قىركۇيەگىنەن 2010 جىلدىڭ ءساۋىر ايىنا دەيىن - باتىس قازاقستان وبلىسى اكىمىنىڭ ورىنباسارى.
2010 جىلدىڭ ءساۋىر ايىنان 2012 جىلدىڭ قاڭتارىنا دەيىن وبلىس اكىمىنىڭ ءبىرىنشى ورىنباسارى.
2012 جىلدىڭ 20 قاڭتارىندا مەملەكەت باسشىسىنىڭ جارلىعىمەن باتىس قازاقستان وبلىسىنىڭ اكىمى بولىپ تاعايىندالدى.
2016 جىلدىڭ 26 ناۋرىزىنان اتىراۋ وبلىسىنىڭ اكىمى بولدى.
2019 جىلدىڭ 18 جەلتوقسانىنان سوڭعى تاعايىنداۋعا شەيىن قر ەنەرگەتيكا ءمينيسترى بولىپ قىزمەت ىستەدى.
"ادىرنا" ۇلتتىق پورتالى
