Memleket basşysynyŋ Jarlyǧymen Nūrlan Asqarūly Noǧaev Maŋǧystau oblysynyŋ äkımı bolyp taǧaiyndalyp, Qazaqstan Respublikasynyŋ Energetika ministrı lauazymynan bosatyldy, dep habarlaidy "Adyrna" ūlttyq portaly Aqordanyŋ baspasöz qyzmetıne sılteme jasap.
- Nūrlan Asqarūly Noǧaev Maŋǧystau oblysynyŋ äkımı bolyp taǧaiyndalsyn, ol Qazaqstan Respublikasynyŋ Energetika ministrı lauazymynan bosatylsyn, delıngen qūjatta.Noǧaev Nūrlan Asqarūly 1967 jyly tuǧan. Bılımı joǧary, İ.Gubkin atyndaǧy Mäskeu memlekettık mūnai jäne gaz akademiiasyn, Qazaq memlekettık basqaru akademiiasyn, Resei Syrtqy ıster ministrlıgı janyndaǧy "Halyqaralyq qatynastar universitetı" Mäskeu memlekettık institutyn tau-ken injenerı, ekonomist, halyqaralyq qatynastar mamany, äkımşılık ıskerlık jönındegı şeber mamandyqtary boiynşa bıtırıp şyqqan. Eŋbek jolyn Aqtöbe oblysy, Qandyaǧaş stansiiasynda elektr şeberı bolyp bastaǧan. 1993-1995 j.j. - Mäskeu qalasyndaǧy "Gili-Pasker" JŞS-de mūnai önımderı jönındegı aǧa sarapşy, bölım bastyǧy, bas direktor. 1995-1996 j.j. - Almaty qalasyndaǧy "Otrar Ltd" şaǧyn käsıporny bas direktorynyŋ orynbasary. 1996-2006 j.j. - "Qazaqtürıkmūnai" JŞS-de injener, bas direktor. 2006 jyldyŋ aqpan aiynan tamyz aiyna deiın - "QazMūnaiGaz Ūlttyq kompaniiasy" AQ-nyŋ atqaruşy direktory. 2006 jyldyŋ tamyz aiynan QR Energetika jäne mineraldy resurstar ministrlıgı mūnai önerkäsıbı departamentınıŋ direktory bolyp ıstegen. 2007 jyldyŋ qyrküiegınen 2010 jyldyŋ säuır aiyna deiın - Batys Qazaqstan oblysy äkımınıŋ orynbasary. 2010 jyldyŋ säuır aiynan 2012 jyldyŋ qaŋtaryna deiın oblys äkımınıŋ bırınşı orynbasary. 2012 jyldyŋ 20 qaŋtarynda Memleket Basşysynyŋ Jarlyǧymen Batys Qazaqstan oblysynyŋ äkımı bolyp taǧaiyndaldy. 2016 jyldyŋ 26 nauryzynan Atyrau oblysynyŋ äkımı boldy. 2019 jyldyŋ 18 jeltoqsanynan soŋǧy taǧaiyndauǧa şeiın QR Energetika ministrı bolyp qyzmet ıstedı.
"Adyrna" ūlttyq portaly
