رەسەيلىك ميللياردەر ەلىمىزدىڭ جۇكتى ايەلدەرى مەن اۋىل بالالارىنا 100 مىڭ دوللار ءبولدى

22326
Adyrna.kz Telegram

تانىمال كاسىپكەر يگور رىباكوۆ ەلىمىزدىڭ قايىرىمدىلىق جوبالارىنا $100 مىڭ دوللار بەردى، دەپ حابارلايدى «ادىرنا» ءتىلشىسى.

«تەحنونيكول» كورپوراتسياسىنىڭ يەسى بىرنەشە جىل بۇرىن ەلىمىزدە قىزمەت اتقارعان.

«جاس كەزىمدە قازاقستانداعى قۇرىلىس سالاسىندا جۇمىس ىستەدىم. سيىر قورالاردى سالدىق. ماعان بۇل جۇمىس ءۇشىن 1300 رۋبلدەن ارتىق تولەگەن ەدى. بۇل سول كەزدە وتە ۇلكەن اقشا بولاتىن. مەن العاشقى تابىسىمدى قازاقستاندا تاپتىم، ەندى سونى قايتارماقپىن»،– دەدى يگور رىباكو.

قارجى «انالار ءۇيى» مەن «Iqanat» ءبىلىم بەرۋ قورىنا بولىنەدى.

«انالار ءۇيى» جوباسى تۋرالى ەستىگەندە، مەن ونىڭ قانشالىقتى قاراپايىم جانە ءتيىمدى ەكەندىگىنە تاڭعالدىم. بالالار ۇيىندەگى بالالارعا سىيلىقتار بەرۋدىڭ قاجەتى جوق. كەرىسىنشە، ولاردىڭ سول ۇيگە تۇسپەۋىنە جاعداي جاساۋ كەرەك. ايدىن راقىمباەۆ ءدال وسى ويدى جۇزەگە اسىرۋدا. مۇنداي جوبا رەسەيدە دە پايدا بولۋى كەرەك»،– دەپ ءسوزىن تولىقتىردى ول.

«ادىرنا» ۇلتتىق پورتالى

پىكىرلەر